.webp){kind=icon}
Финансиксиот прилив на Ексон Мобил го престигна тој на Алфабет за прв пат по 2018 година, докажувајќи дека нафтениот гигант се врати во првата лига за само една година откако го претрпе еден од најголемите потреси во корпоративната историја.
Ексон кој за време на пандемијата за прв пат во својата историја губеше пари, сега е трет најголем генератор на слободниот паричен тек на S&P 500 индексот. Според податоците кои ги собра Блумберг, пред него се само Епл и Мајкрософт.
Уште ден доказ за ренесансата на нафтените компании е растот на Шеврон кој ги изненади аналитичарите, иако сите очекуваа рекордно тромесечие.
Bloomberg
Тоа е тренд кој Jeff Currie, главниот стратег во Goldman Sachs, го нарекува „освета на старата економија“. Иако набрзо по руската инвазија во Украина, семето на моменталниот раст на енергетските компании е посеано заради склоноста на вложувачите кон технолошките акции во споредба со стоките од минатата деценија, смета Currie. „Тоа доведе до анемично вложување во видливите енергетски имоти како рудници, нафтени полиња и рафинерии“, исстакнува тој.
Додека потрошувачите го чувствуваат притисокот на зголемените цени на горивата, истражувачите на нафта, посебно оние кои дадоа предност на суровата нафта и природниот гас над обновливите извори на енергија – сега се во најдобра позиција да профитираат.
„Ексон и Шеврон покажаа колкав поврат можат да остварат акционерите со цени на нафтата од 100 долари по барел“, вели Matt Murphy, аналитичар од Калгари, во компанијата Tudor, Pickering, Holt & Co. „Тоа сигурно ќе стигне до радарите на вложувачите кои бараат подобри приноси како што влегуваме подлабоко во рецесиско опкружување“.
Bloomberg
Раководителите на двете компании велат дека не гледааат докази за намалување на потрошувачката на горива и покрај стравовите од растечките цени.
„Не би ви рекол дека гледаме нешто што би ме навело да кажам – ние сме во рецесија или блиску до рецесија“, вели главниот извршен директор на Ексон.
Ексон, Шеврон, Шел и Тотал енерџис неделава пријавија рекордни добивки. Сите го засилија откупот на сопствени акции, освен Ексон кој тројного зголеми откупот од почетокот на годината.
Ова е остар пресврт во однос на поголемиот дел од минатата деценија кога секторот беше погоден од фокусирање на мегапроекти, лоши финансиски резултати и неуспеси во енергетската транзиција.
Ексон веројатно е најдобар пример за пресврт. Пред само една година, тројцата најголеми инвеститори зададоа голем удар точно со тоа што избраа тројца нови директори.
Американскиот нафтен гигант дополнително ја задржа капиталната потрошувачка на историски ниско ниво и ги намали трошиците, задржувајќи се на добра позиција за собирање на плодовите од растот на цените на стоките. Ексон годинава порасна за 58 отсто.
Вудс вели дека неговиот план за подигање на производството, кој беше осуден од инвеститорите и еколозите кога беше најавен во 2018 година, сега се исплати затоа што изгради имот кој создава пари. „Бев под голем притисок заради тоа и доживеав многу критики“, вели тој. „Мислам дека тоа беше исправна стратегија“.
Вложувачите почнуваат да го забележуваат успехот. Првите 10 најдобри во S&P 500 индексот сите се енергетски компании, а тој сектор чини 4,5 отсто од индексот, повеќе од двојно во споредба со времето во пандемија. Меѓу десетте најлоши се технолошките суперѕвезди Netflix и Meta Platforms.
„Имаме рекордни приноси од слободниот паричен тек во целата стара економија“, рече Currie за Блумберг Тв минатиот месец. „Последната деценија ги фавору=изиравме ајфоните наместо рудниците за бакар, а ова сега е недостиг со кој треба да се соочиме“.
