.webp){kind=icon}
Производителите на опрема за соларна енергија продолжија да ги дигаат цените откако се зголемија трошоците за полисилициумот и се закана дека ќе забави употребата на чистата енергија.
Tongwei Co. ги зголеми цените на соларните ќелии за 3,2 отсто до 4,1 отсто во зависност од големината, додека Longi Green Energy Technology Co. ги зголеми цените на полуспроводниците за 3,3 отсто до 4,3 отсто. Зголемувањата се случија откако цените на полисилициумот, клучниот материјал за двата производи, пораснаа за 15 отсто од средината на мај.
Просечната цена на најскапиот полисилициум изнесува 44 долари по килограм. Нивото неделава е непроменето затоа што не е потпишан ни еден нов договор, а здружението соопшти дека цените во август и натаму ќе растат затоа што залихите се скромни.
Зголемените трошоци почнаа да ја намалуваат побарувачката, посебно за џиновските соларни фарми во Кина кои се чувствителни на цените. Сепак, зголемувањата на цените од страна на Tongwei i Longi укажуваат на тоа дека се уште има купувачи кои се подготвени да платат повисоки цени, посебно во моменти кога фосилните горива за производство на енергија, како што се јагленот и природниот гас, се продаваат по рекордни цени годинава.
„Можноста производителите на полуспроводници, како што е Longi, да ги зголемат цените имплицира на силна побарувачка“, вели Dennis Ip, аналитичари од Daiwa Capital Markets.
Кинескиот извоз на сончева енергија порасна годинава, посебно во Европа, затоа што овдешните земји се обидуваат да ја забрзаат транзицијата за да ја намалат зависноста од руска енергија по инвазијата во Украина. Вкупниот извоз во мај изнесувал 4,3 милијарди долари, што е речиси двојно повеќе во однос на претходната година.
Се очекува дека пазарот со полисилициум ќе остане затегнат до септември, пред да се активираат новите капацитети во четвртиот квартал и да се отстранат тесните грла во производството.
