Иран од почетокот на војната уништил повеќе од дваесетина дронови M-ку 9 „Рипер“ управувани од американските сили, што претставува значителна загуба вредна речиси милијарда долари и околу 20 отсто од предвоениот арсенал на Пентагон за овој тешко заменлив беспилотен систем.
Иран од почетокот на војната уништил повеќе од дваесетина дронови M-ку 9 „Рипер“ што ги користат американските сили, што претставува значителна загуба вредна речиси милијарда долари и околу 20 отсто од предвоениот арсенал на Пентагон од овој тешко заменлив беспилотен систем.
Голем дел од дроновите биле соборени во воздух од иранската противвоздушна одбрана, додека дел биле уништени на земја во ракетни напади или во несреќи, според лице директно запознаено со случајот.
„Риперите“, кои повеќе не се произведуваат за американската армија, чинат околу 30 милиони долари по летало и се опремени со моќни сензори, вклучително и камери. Тие можат да носат и ракети „Хелфајр“, како и наведувани бомби за прецизни напади.
Досега американските сили изгубиле најмалку 24 „Рипери“, а можеби и до 30, при што во бројката се вклучени и дронови што подоцна биле отпишани поради оштетувања, изјави лицето кое побара да остане анонимно.
Тоа е повеќе од претходните проценки. Во извештај на Конгресната истражувачка служба од почетокот на месецот беше наведено дека биле изгубени 24 „Рипери“.
Овие летала интензивно се користат во конфликтот со Иран, бидејќи американските команданти се обидуваат да ги држат екипажите подалеку од опасност. Иако САД нанесоа значителна штета врз иранските воени капацитети, вклучително и уништување или ослабување на голем дел од противвоздушната одбрана, делови од иранскиот воздушен простор и натаму се опасни.
„Водењето војна од далечина сепак има цена“, изјави Бека Васер, експерт за одбрана во „Блумберг економикс“. „MQ-9 можеби се заменливи затоа што се беспилотни летала, но тие се премногу скапи и ги има премалку, а во моментов нема ниту активна производствена линија, за да може да се сметаат за потрошна опрема.“
САД и Израел првпат започнаа напади врз Иран на 28 февруари, а двете страни од 8 април се во нестабилно примирје, проследено со повремени напади од двете страни.
Пропелерските „Рипери“, произведени од „Џенерал атомикс“ (General Atomics), повеќе не се произведуваат за американската армија. Изградени се само околу десет примероци од нивниот наследник, ударниот дрон „Авенџер“ со млазен погон. Варијанти на „Рипер“ и понатаму се произведуваат за странски купувачи.
Загубите од речиси милијарда долари за „Риперите“ дополнително ги зголемуваат трошоците за американско-израелската војна против Иран, во која се потрошени илјадници високопрецизни проектили, вклучително и крстосувачките ракети „Томахавк“ и ЈАССМ-ЕР.
САД досега изгубиле и два авиони со екипаж над Иран: Ф-15E Страјк Игл и A-10 Тандерболт II. Целиот екипаж бил спасен. Меѓу другите загуби се и авион E-3 за рано предупредување и контрола, танкери KC-135, уште три авиони Ф-15 и два повеќенаменски транспортни авиони MC-130J. Нивната замена би чинела милијарди долари.
Американските сили изгубиле или претрпеле оштетувања и на радарски системи, од кои секој чини стотици милиони долари.
.webp){kind=icon}
