Маѓар се сомнева во надградбата на унгарската нуклеарка предводена од руска фирма

Унгарскиот премиер Петер Маѓар изрази сомнеж околу проширувањето на единствената нуклеарна централа во земјата, предводено од руска фирма,  откако рекордно ниското ниво на реката Дунав речиси доведе до целосно затворање на постојните реактори.

Влијанието на сушата врз нивото на водата покренува „прашања“ во врска со еколошката лиценца за два дополнителни нуклеарни реактори, изјави Маѓар за новинарите во четврток на прес-конференција. Тој, исто така, посочи на долгогодишното одложување на проектот предводен од „Росатом Корп.“, како и на пречекорувањата на трошоците.

Унгарија се согласи со Русија во 2014 година да ги прошири четирите застарени нуклеарни реактори во централата Пакш. Цената на проектот сега се проценува на двојно поголема од првичната цена од 12,5 милијарди евра (14,4 милијарди долари), рече Маѓар.

На истиот брифинг, Маѓар детално ги претстави плановите за итни случаи за зголемување на нивото на Дунав во Пакш за да се обезбеди вода за ладење за постојните ректори. Тие вклучуваат потенцијално потопување на две баржи во близина на централата и изградба на копнен праг, што може да трае околу 30 дена.

Моментално, само еден од четирите реактори во Пакш е во функција откако другите беа затворени во последните недели за да се обезбеди безбедност. Пакш произведува 40 отсто од производството на електрична енергија во Унгарија.