Кремљ потврди дека Путин и Трамп утре ќе разговараат за Украина

Кремљ потврди дека рускиот претседател Владимир Путин во вторник треба да разговара со претседателот Доналд Трамп.

„Таквиот разговор се подготвува за вторник“, изјави портпаролот на Путин, Дмитриј Песков, пред новинарите во понеделникот, според „Интерфакс“. Тој одби да коментира за планираните дискусии.

Во неделата, Трамп на новинарите им рече дека има „многу добра шанса“ за договор. „Одиме прилично добро со Русија“, рече тој. „Ќе видиме дали имаме што да објавиме можеби до вторник“.

САД ја притиска Русија да го прифати 30 – дневниот прекин на огнот на кој Украина веќе се согласи. Путин претходно рече дека Русија во принцип е подготвена да го разгледа примирјето, но тој инсистираше на бројни услови пред да се посвети на какво било запирање на инвазијата што ја започна пред три години.

Кога го прашаа за отстапките, Трамп рече дека голем дел од разговорот ќе се однесува на територијата.

„Голем дел од земјата сега е многу поразличен отколку што беше пред војната, како што знаете“, им рече Трамп пред новинарите. „Ќе разговараме за територијата, ќе разговараме за електраните – и тоа е, како што знаете, големо прашање“.

Путин ги одби напорите да ја запре борбата во време кога неговите трупи со поддршка на севернокорејската војници постигнуваат одреден напредок на бојното поле. Американскиот претставник Стивен Виткоф се состана со Путин минатата недела, но не успеа да постигне договор за прекин на огнот.

Путин вели дека бара траен договор, инсистирајќи на серија услови што Украина ќе биде тешко да ги прифати. Русија претходно побара Украина да стане неутрална земја, значително да ги намали вооружените сили и ја напушти територијата, што Русија ја презеде во војната.

Сепак, европските земји дека в сабота ќе разговараат за заострување на санкциите кон руската економија, иако не е јасно како дополнително ќе се спроведе тоа.

„Многу е важно да се изврши максимален притисок врз Русија“, рече британскиот премиер Кир Стармер во саботата по разговорите со повеќе од 20 други лидери, вклучувајќи ги и претседателите на Австралија, Канада, Нов Зеланд и неколку европски земји.

Европските власти, исто така, развиле планови според кои се предвидува во Украина да се стационираат повеќе од 10.000 војници, пренесува „Сандеј тајмс“, повикувајќи се на високи владини извори. Според овој весник, повеќето сили ќе доаѓаат од Велика Британија и Франција, а околу 35 земји се согласиле да обезбедат оружје, логистичка и разузнавачка поддршка на мисијата.

Сепак, европските лидери сакаат сите сили на терен во Украина да бидат поддржани со американски безбедносни гаранции во форма на воздушна поддршка, разузнавање и контрола на границата. Не е јасно дали Трамп би бил подготвен да го стори тоа. Иако рече дека може да го зајакне економскиот и политичкиот притисок врз Русија доколку Путин не се согласи на преговори, тој генерално беше многу критичен кон Украина и претседателот Володимир Зеленски.