Доналд Трамп објави дека планира да се сретне со рускиот претседател Владимир Путин следниот петок на Алјаска, додека американскиот претседател се обидува да посредува во договор за примирје со надеж дека ќе стави крај на војната во Украина.
„Долгоочекуваната средба помеѓу мене, како претседател на Соединетите Американски Држави, и претседателот Владимир Путин од Русија, ќе се одржи следниот петок, на 15 август 2025 година, во големата држава Алјаска“. напиша Трамп на социјалните мрежи. „Повеќе детали ќе следуваат“.
Средбата лице-в-лице со Путин претставува ризик за американскиот претседател, кој во кампањата вети дека брзо ќе стави крај на војната, но неговите обиди досега не се остварија.
Прочитај повеќе
Накратко од светот: Трамп најави средба со Путин и Зеленски
Утрово стапија во сила царините на претседателот на САД, Доналд Трамп, поставувајќи нов тест за глобалната економија.
07.08.2025
Трамп репозиционира нуклеарни подморници по провокациите од Русија
„Наредив две нуклеарни подморници да бидат позиционирани во соодветните региони, за секој случај ако овие глупави и провокативни изјави се нешто повеќе од тоа“, рече Трамп.
02.08.2025
Зеленски: Украина предлага средба со Русија следната недела
„Динамиката на преговорите мора да се забрза“, рече Зеленски
20.07.2025
Поканата до Путин да се врати на американско тло за првпат по речиси една деценија уште повеќе ја зголемува тежината на состанокот, при што Трамп се обидува да посредува за мировен договор кој, како што рече, би вклучувал „некоја размена на територии“.
Очигледното исклучување на украинскиот претседател Володимир Зеленски од разговорите веројатно дополнително ќе ги разгори стравувањата дека Белата куќа и Кремљ би преговарале за договор заснован на отстапки кои Украина не е подготвена да ги прифати. Трамп во петокот изјави дека верува оти „сме многу блиску“ до мировен договор.
.webp){kind=icon}
