Зеленски вели дека засега нема договор за Источна Украина во разговорите со САД

Украинскиот претседател Володимир Зеленски рече дека преговарачите кои дискутираат за мировна иницијатива посредувана од САД остануваат поделени околу територијата, додека американскиот претседател Доналд Трамп изрази разочарување од начинот на кој Киев гледа на договорот.

Елементите од американскиот план бараат понатамошна дискусија за голем број „чувствителни прашања“, вклучувајќи безбедносните гаранции за воено погодената нација и контрола врз источните региони, рече Зеленски во телефонско интервју. Украинскиот лидер рече дека разговорите сè уште не постигнале договор за украински Донбас, вклучувајќи ги покраините Донецк и Луганск.

Bloomberg Mercury

 

„Постојат гледишта на САД, Русија и Украина - и ние немаме унифициран став за Донбас“, изјави Зеленски за „Блумберг њуз“ рано утрово. Тој рече дека Киев се залага за посебен договор за безбедносни гаранции од западните сојузници, пред сè од САД.

Зеленски зборуваше откако Трамп го критикуваше него - за разлика од коментарите во последните денови за реакцијата на рускиот претседател Владимир Путин на предлогот - велејќи дека е „малку разочаран што претседателот Зеленски сè уште не го прочитал предлогот“.

„Постои едно прашање на кое јас и сите Украинци сакаме да добиеме одговор: ако Русија повторно започне војната, што ќе направат нашите партнери?“, рече Зеленски.

Европските лидери ќе се сретнат со Зеленски во клучен момент за мир.

Украинскиот лидер утрово се упати кон Лондон, каде што во попладневните часови треба да се сретне со британскиот премиер Кир Стармер, германскиот канцелар Фридрих Мерц и францускиот претседател Емануел Макрон за да разговараат за предлогот на САД.