Украинскиот претседател Зеленски патува кон Давос на средба со Трамп

Украинскиот претседател Володимир Зеленски е на пат кон Давос за да се сретне денеска со Доналд Трамп, според лице запознаено со ова прашање.

Зеленски неделава изјави дека е малку веројатно да патува на годишниот состанок на Светскиот економски форум бидејќи ги надгледува напорите за одговор на масовните руски воздушни напади што оставија огромни области на Киев и неколку други региони без греење, електрична енергија и вода за време на многу студената зима.

Меѓутоа, вчера Трамп изјави дека ќе се сретне со украинскиот лидер во швајцарскиот скијачки центар. Зеленски изјави дека ќе ги преиспита плановите да го прескокне собирот ако треба со САД да се потпишат договори за безбедносни гаранции и план за оживување на економијата на земјата.

Од друга страна, американските претставници Стив Виткоф и Џаред Кушнер денеска ќе патуваат во Русија на разговори со претседателот Владимир Путин за најновите предлози во рамките на мировниот план за ставање крај на војната во Украина.