Полска „крои“ нов закон со кој ќе се забранат социјалните медиуми за деца под 15 години, подготвувајќи ја сцената за потенцијална битка со некои од најголемите американски технолошки компании.
Нацрт-законот, чиј преглед ќе го презентира владејачката партија Граѓанска коалиција во петок предвидува казни за платформите на социјалните медиуми ако нивните услуги останат достапни за помладите деца и ќе ги смета за одговорни за проверка на возраста на нивните корисници, изјави министерката за образование Барбара Новацка во интервју за „Блумберг“.
„Го гледаме менталното здравје на децата и младите, гледаме пад на нивната интелектуална компетентност“, рече Новацка. Големината на казните што компаниите би требало да ги платат за прекршоци сè уште е предмет на дискусија, според министерката. Таа очекува законот да стапи на сила до почетокот на 2027 година.
Прочитај повеќе
Малезија, Франција и Индија ја критикуваат мрежата X за „навредливите“ слики од „Грок“
Некои држави истражуваат слики изработени од „Грок“ по поплаките за злоупотреба на ВИ за манипулирање со слики од жени и малолетници за да се произведе непристојна и штетна содржина.
04.01.2026
Како ќе функционира забраната за социјални медиуми за деца под 16 години во Австралија?
Од 10 декември, според новиот закон, на младите тинејџери во Австралија ќе им биде забрането користење на платформите на социјалните медиуми како што се Фејсбук, Инстаграм и Тикток - една од најстрогите онлајн мерки во демократскиот свет.
05.11.2025
Размислувајќи за забрана, Варшава се приклучува кон редовите на други европски влади, вклучувајќи ги Данска, Франција, Шпанија и Велика Британија, кои се заканија дека ќе го ограничат пристапот на милиони млади корисници до услуги што регулаторите ги нарекуваат штетни и зависно-предизвикувачки.
Тој тренд може да доведе до конфронтација со американскиот претседател Доналд Трамп и неговите влијателни сојузници меѓу компаниите за социјални медиуми, вклучувајќи ги „Мета“ (Meta Platforms Inc) или X на Елон Маск. Некои од нив веќе изразија фрустрација од обидите да се ограничи пристапот до нивните услуги за тинејџери откако Австралија првпат ја воведе забраната кон крајот на минатата година.
Сите потези што би можеле да го отуѓат Вашингтон се чувствителни за Полска, членка на првата линија на источното крило на НАТО, каде што се сместени американски трупи. Американските компании веќе го критикуваа планот за оданочување на дигиталните услуги што го предложи Министерството за дигитални работи на земјата претходно овој месец.
Новацка рече дека не го гледа законот од геополитички аспект. „Да бидам искрена, кој е сопственик на оваа или онаа платформа е апсолутно второстепено“, рече министерката, која е членка на парламентарната група што работи на законот.
Таа нагласи дека владината акција е неопходна бидејќи платформите „не ги следат сопствените прописи“ и не ја потврдуваат возраста на корисниците.
„Треба да преземеме превентивни мерки, а не да се прашуваме дали оваа или онаа земја ќе гледа на тоа на одреден начин“, рече Новацка. „Мислам дека е во интерес на секоја земја да ги заштити своите деца“.
.webp){kind=icon}
