Американскиот претседател Доналд Трамп предложи можно „пријателско преземање на Куба“, додека Белата куќа се обидува да ја искористи енергетската криза на островот управуван од комунистите за да изврши поголемо влијание.
„Тие се во голема неволја, а ние би можеле да направиме нешто добро, мислам, многу позитивно за луѓето што беа протерани, или уште полошо, од Куба, што живеат тука“, изјави Трамп за новинарите во петокот пред да замине за Тексас „Знаете, имаме луѓе што живеат тука и сакаат да се вратат во Куба“.
„На крајот би можеле да имаме пријателско преземање на Куба“, додаде тој.
Прочитај повеќе
САД ќе ги задржат царините кон Кина стабилни за да избегнат ескалација
Претседателот Доналд Трамп има намера да ги задржи царините на кинеските производи стабилни откако Врховниот суд ги поништи неговите претходни давачки, иако можно е подоцна да ги зголеми тарифите за производи од други економии, изјави американскиот трговски претставник Џејмисон Грир.
25.02.2026
Најдолгиот говор на Трамп пред Конгресот - царини, врева и пресметка со демократите
Доналд Трамп го одржа најдолгото обраќање за состојбата на нацијата откако ваквите говори се емитуваат на телевизија, велејќи дека Америка е на половина пат од она што го нарече „историски пресврт“.
25.02.2026
Царината на Трамп од 10 отсто стапи во сила, САД ги заоструваат трговските бариери
САД ја активираа глобалната царина од 10 отсто, а администрацијата на Трамп веќе подготвува терен за можно зголемување на 15 отсто, иако роковите сè уште не се јасни.
24.02.2026
Кои земји се победници, а кои губитници откако судот ги блокираше царините на Трамп?
Додека Трамп последователно објави планови за глобална стапка од 15 проценти, „Блумберг економикс“ пресмета дека тоа би значело просечна ефективна царинска стапка од околу 12 проценти.
23.02.2026
Трамп се закани со царини за земјите што испорачуваат нафта за Куба
Куба останува зависна од мал број странски снабдувачи со нафта, а новите американски мерки го засилуваат ризикот од длабока економска и хуманитарна криза.
30.01.2026
Коментарите на Трамп се едни од неговите најконкретни досега околу неговите планови за Куба, која е под силен притисок од САД.
Претходно оваа недела, администрацијата објави планови да дозволи испораки на гориво од американски енергетски компании до приватни кубански бизниси. Стратегијата има за цел да ја направи Куба позависна од САД и да помогне во зајакнувањето на приватниот сектор на островот, а воедно да ја поткопа нејзината комунистичка влада.
Владата на Куба е под посебен притисок по американскиот напад за апсење на венецуелскиот претседател Николас Мадуро на почетокот од годинава. Оттогаш, администрацијата на Трамп врши притисок врз привремената влада во Каракас да го прекине долгогодишното партнерство со Куба, барајќи од неа да престане да извезува нафта таму.
Трамп рече дека Куба е „благо речено, неуспешна нација“ и дека државниот секретар Марко Рубио работи на тоа да го зајакне влијанието врз кубанската влада во интерес на САД.
„Тие немаат пари, немаат нафта, немаат храна“, рече Трамп.
Коментарите на Трамп доаѓаат само неколку дена по престрелката меѓу крајбрежната стража на Куба и група Кубанци кои живеат во САД, а коишто отпатувале со глисер регистриран во Флорида до крајбрежјето на островот.
Кубанската влада ги обвини лицата за обид за организирање бунт, за кој рече дека ја предизвикал смртоносната престрелка. Американските претставници рекоа дека е потребна понатамошна истрага за да се утврди што се случило.
-Со помош на Eric Martin
.webp){kind=icon}
