Товарен брод погоден од проектил во Ормускиот Теснец, соопшти британската морнарица

Британската морнарица соопшти дека товарен брод се запалил откако бил погоден од проектил во Ормускиот Теснец, најновиот инцидент насочен кон бродови во клучниот трговски премин долж јужната граница на Иран.

Неидентификуваниот брод пријавил дека бил погоден со непознат проектил околу 11 наутички милји северно од брегот на Оман, соопшти Британскиот центар за поморски трговски операции. Бродот побарал помош, а екипажот е евакуиран, информира центарот.

Сообраќајот низ теснецот, виталната поморска врска што го поврзува богатиот со нафта Персиски Залив со светските пазари, е практично запрен откако САД и Израел започнаа воздушни напади врз Иран минатиот месец, што ја натера Исламската Република да ги таргетира бродовите во водниот пат како одмазда.

 

Британскиот центар за поморски трговски операции, кој е врска помеѓу морнарицата и трговските бродови, добила извештаи за најмалку 10 напади од 28 февруари до 10 март, според нејзината веб-страница. Се вели дека нивото на закана останува „критично“.

САД ветија поморска придружба за обезбедување на бродовите во регионот, но сè уште не спровеле таква операција. Белата куќа во вторникот ја отфрли објавата на социјалните мрежи од министерот за енергетика Крис Рајт, која беше избришана подоцна, во која се вели дека американската морнарица успешно придружила танкер низ теснецот.