Грција наскоро ќе предложи забрана за социјалните медиуми за лица под 15 години, изјави премиерот Киријакос Мицотакис.
„Доказите се недвосмислени“, рече тој на настан на „Блумберг“ во Атина. „Зависното скролување е штетно за нивното ментално здравје и треба да направиме нешто во врска со тоа.“
Тој рече дека предлогот ќе пристигне во рок од „недели“, додавајќи: „возрасната граница што ќе ја поставиме ќе биде 15 години.“
Прочитај повеќе
Полска планира забрана за социјалните медиуми за деца
Нацрт-законот предвидува казни за платформите на социјалните медиуми ако нивните услуги останат достапни за помладите деца.
27.02.2026
Малезија, Франција и Индија ја критикуваат мрежата X за „навредливите“ слики од „Грок“
Некои држави истражуваат слики изработени од „Грок“ по поплаките за злоупотреба на ВИ за манипулирање со слики од жени и малолетници за да се произведе непристојна и штетна содржина.
04.01.2026
Како ќе функционира забраната за социјални медиуми за деца под 16 години во Австралија?
Од 10 декември, според новиот закон, на младите тинејџери во Австралија ќе им биде забрането користење на платформите на социјалните медиуми како што се Фејсбук, Инстаграм и Тикток - една од најстрогите онлајн мерки во демократскиот свет.
05.11.2025
Овој потег ја прави Грција најновата европска земја што се обидува да го ограничи користењето на социјалните медиуми за деца и тинејџери.
Франција гласаше во јануари за забрана за деца под 15 години да користат апликации како што се Фејсбук и Инстаграм „Мета Платформс“ (Meta Platforms Inc), ТитокT на „Бајтденс“ (ByteDance Ltd) и Снепчет на „Снеп“ (Snap Inc). Во меѓувреме, Шпанија соопшти дека ќе ги блокира децата да користат платформи на социјални медиуми, вклучувајќи ги Инстаграм и Тикток.
Дополнително, Португалија неодамна одобри закон со кој се ограничува пристапот за лица под 16 години.
Мицотакис рече дека смета оти Европа на крајот ќе се движи кон унифициран пристап по ова прашање. Моментумот веројатно ќе го доведе континентот во конфликт со американскиот претседател Доналд Трамп, кој постојано го осудува пристапот на Европската Унија кон дигиталните регулативи што влијаат на големите американски технолошки фирми.
Сепак, Мицотакис рече дека ваквите мерки се важна проверка на моќта на овие компании.
„Исто така, треба искрено да се соочиме со платформите и да им кажеме нешто многу едноставно: Вие заработувате доволно пари“, рече тој. „Не треба да заработувате пари и од нашите деца и од нашите тинејџери.“
— Со помош од Викторија Дендрину и Макс Ремзи
.webp){kind=icon}
