.webp){kind=icon}
За компанијата „Епл“ (Apple) испораката на моделите iPhone 14 Pro трае подолго од кога било, бидејќи клучната фабрика за склопување во Женгжу, Кина, е изложена на работнички немири и прекини на производството поради пандемијата на Ковид-19 и владините мреки против неа.
Во САД, купувачите на најскапите телефони на Apple може да очекуваат одложување на испораките до 37 дена, според истражувањето на Counterpoint Research, од каде секоја година го следат времето на испораки. Тоа е далеку подолго во споредба со претходната генерација на iPhone 13 Pro и подолго од почетниот период од продажбата на актуелната генерација. Деновите на испорака се значително продолжени за моделите iPhone 14 Pro и Pro Max на сите пазари, според аналитичарите на Counterpoint.
Времето на испорака на iPhone Pro во САД ненадејно е продолжено по ширењето на инфекцијата на Ковид-19 во Женгжу. Најголемиот дел од светските испораки на iPhone Pro уреди доаѓаат токму од оваа кинеска фабрика, управувана од Foxconn Technology Group, а во шпицот на празничната сезона таму се вработени дури по 200.000 работници. Фабриката беше погодена од серија прекини во производството од избувнувањето на пандемијата во октомври, вклучително и ненадејното затворање поради заклучувањето наметнато од властуте и насилните протести на работниците кои се противат на ограничувањата и лошите услови за живот.
„Кинеската политика 'нулта ковид' е апсолутен удар за синџирот на снабдување на Apple, додека протестите на Foxconn во Женгжу, се удар и за Apple и за Foxconn“, вели Ден Ајвс од Wedbush Securities. „Проценуваме дека Apple сега има значителен недостиг на ајфони што може да се намали на приближно пет до десет проценти од уредите за овој квартал, во зависност од следните неколку недели во Кина“.
Време за испорака на моделите iPhone Pro во САД по ширењето на Ковид-19 во Женгжу / Bloomberg
Bloomberg News објави дека се очекува Apple годинава да се соочи со недостиг од шест милиони iPhone Pro уреди поради прекини во производството, а од Apple велат дека очекуваат подолго време на испорака. Apple и Foxconn, познат и како Hon Hai Precision Industry, предвидуваат дека ќе ги надополнат изгубените нарачки овој квартал со зголемување на производството во 2023 година, иако нема гаранција дека тогаш клиентите сè уште ќе бидат заинтересирани за телефоните на Apple.
Истражувањето на Counterpoint се заснова на просечни податоци што компанијата ги собира три до четири пати неделно. Тековното време на чекање за испорака за некои локации, вклучително и Калифорнија, е 30 дена.
Поради превирањата во Кина, Apple се соочува со недостиг од шест милиони модели на iPhone Pro. „Жално е што Apple ја пропушта својата водечка серија Pro оваа празнична сезона, особено ако клиентите на крајот се свртат кон телефони од конкурентите“, рече Брајан Ма, потпретседател на секторот за истражувања на потрошувачки уреди. „Добрата работа за Apple е што може да го задржи истекувањето од повеќе дупки и во наредните квартали да ја задоволи побарувачката“.
За Apple, овогодинешните iPhone Pro модели се поважни од кога било, бидејќи ја компензираат слабата побарувачка за обичната серија на iPhone 14. Counterpoint открива дека времето на чекање за мобилните телефони iPhone 14 е кратко, односно помалку од три дена по лансирањето. Apple претходно месецов ги намали своите планови за производството на модели од пониската класа, токму поради разочарувачката побарувачка.
