.webp){kind=icon}
Во најголемата европска економија ова ќе бидe година за пробив на електричните велосипеди.
Продажбата на велосипеди на батерии ќе ја надмине продажбата на традиционални велосипеди во Германија за првпат во 2023 година, според проекциите на индустриската групација во земјата. Тие се веќе доминантни во категоријата планински велосипеди, каде што девет од десет продадени велосипеди се напојувани од мотор.
Иако бумот на е-велосипеди не го зголеми значајно вкупниот број на продадени возила на две тркала, нивната повисока просечна цена значи поголем обем на пари што одат од рака во рака. Во текот на изминатата деценија приходите од продажбата на овие средства се зголемени за повеќе од трипати, достигнувајќи 7,4 милијарди евра минатата година.
Американските стимулации за електрични автомобили според Законот за намалување на инфлацијата на претседателот Џо Бајден се најдоа на насловните страници, а сојузната, државната и локалната поддршка за електрификација на велосипеди исто така расте. Медиумската компанија „Микромобилити индустрис“ (Micromobility Industries), која ги следи велосипедите и скутерите, следела 87 активни програми за субвенции во САД и Канада што поттикнуваат усвојување правила за електрификација, а притоа забележала над 230 слични иницијативи низ Европа. Оваа листа не ги вклучува многуте инфраструктурни програми, од Франција до Јужна Кореја, кои имаат цел да ја воведат и да ја подобрат велосипедската инфраструктура.
Продажба на електрични велосипеди во периодот од 2012 до 2022 година
Bloomberg Mercury
Не е јасно до кој степен возачите на електрични велосипеди ги користат овие возила како замена за патничките автомобили, а исто така не е лесно да се добие јасна слика за тоа колку е вообичаено луѓето да ги менуваат своите четири тркала за возила на две тркала. Сепак, како што расте пазарот за електрични велосипеди низ Европа, сигурно е дека истиот тој, барем до одреден степен, ќе има улога во падот на побарувачката за автомобили.
Европа заостанува зад Кина и САД кога станува збор за закрепнувањето на автомобилската индустрија од почетниот шок на пандемијата, а Германија е особено тешко погодена во овој поглед. Производството на локалните германски производители на автомобили падна малку под 3,1 милион во 2021 година, што е намалување за речиси половина во однос на периодот од пред пет години и најниско од 1975 година.
Се разбира, е-велосипедите често ја заменуваат улогата на велосипед за хибернација - уред за рекреација што се користи само кога времето е убаво и батеријата е целосно наполнета. За да не се произведува само за возачи што користат велосипеди тогаш кога е убаво времето, компаниите треба да се грижат и за клиентите што го користат овој начин на транспорт секој ден и да понудат реални можности за намалување на патувањата со автомобил.
Во март Одделот за заштита на животната средина во Сан Франциско започна пилот-програма за префрлање на околу 30 работници за испорака на храна на електрични велосипеди. Ова е најновата во низата иницијативи што треба да го привлечат вниманието на компаниите како „Зумо“ (Zoomo) и „Вица“ (Whizza), кои изнајмуваат електрични возила на две тркала за доставувачите.
Компаниите во Кина произведоа повеќе од 20 милиони е-велосипеди минатата година, а земјата има најголема потрошувачка и на комерцијални и на приватни електрични велосипеди. Значаен дел од е-велосипедите произведени во Кина се извезува, но многу од нив завршуваат во сопственост на локални потрошувачи и доставувачи.
Електричните велосипеди се значително почисти за производство и користење од автомобилите со мотори со внатрешно согорување. Сепак, тие се подобри за животната средина од традиционалните велосипеди само ако можат да ги заменат патувањата со поголеми, помалку ефикасни возила.
Електричните велосипеди се одлични – и јасно е дека сè повеќе луѓе го ценат нивното лесно забрзување – но дојде моментот кога конечно треба да докажат дека се повеќе од само забавни.
