text size
Државата нема лабораторија што може да измери какви и колкави се загадувањата на воздухот што ги предизвика пожарот во магацинот за бои и лакови во Тетово. Автоматскиот мониторинг-систем на државата мери неоргански испарливи материјали, но не мери органски испарливи материи, вели министерката за животна средина и просторно планирање Каја Шукова.
Каја Шукова/Приватна архива
„Во магацинот во Тетово горат бои и лакови, тие се органски материи, а државата нема лабораторија што може да мери испарување на органски загадувачи“, рече Шукова.
МИА
Ваквите компании не потпаѓаат под системот за интегрирани дозволи ниту за А ниту за Б, но мораат да имаат елаборат за кој треба да даде согласност општината.
„Сега треба општината да провери дали овој склад работел според предвидените мерки, особено противпожарните мерки, и дали има елаборат за заштита на животната средина. Ние не сме истражен орган, нема да го проверуваме тоа, меѓутоа мислам дека општината треба да провери. Затоа и постојано посочуваме дека кога се отвораат вакви објекти, дали се тоа магацини, дали се тоа помали објекти каде што се работи со вакви материи, мора да се почитува законската регулатива во делот на животната средина“, вели Шукова.
МИА
Директивите во светот не предвидуваат мерење на ваков вид материи. Шукова истакна дека препораката до граѓаните е да внимаваат бидејќи евидентно е дека воздухот е загаден.
„Ќе има загадување на воздухот, ќе има загадување и на водата и на почвата, бидејќи тие честички секако дека ќе се спуштат на површината. Граѓаните треба да внимаваат. Ако таму на земјоделски површини се одгледуваат земјоделски култури, тие секако не треба да се употребуваат“.
Шукова апелира граѓаните да ги почитуваат препораките од Центарот за јавно здравје (ЦЈЗ), да не излегуваат и да не ги отвораат вратите и прозорците и никако да не консумираат земјоделски производи од тој крај. Министерката најави и дека екипа од ЦЈЗ во Тетово е на терен за да ја испита водата за пиење, а резултатите ќе бидат готови за неколку дена.
.webp){kind=icon}
