text size
Поранешниот премиер, Димитар Ковачевски стана член на регионалниот советодавен одбор за Европа на организацијата КОСКУ (COSCU) на чиј Линкдин профил стои дека е посветена на обликувањето на иднината на образованието на глобално ниво.
„Како независена организација, ние се стремиме да ја поттикнеме соработката, иновациите и извонредноста во образовниот сектор“, е наведено на нивната страница.
„Големото искуство на г-дин Ковачевски во образовниот сектор совршено се усогласува со мисијата на КОСКУ да поттикне раст во образовната индустрија. Како доктор по економија и професор на Факултетот за бизнис економија и менаџмент на Универзитетот 'Американ Колеџ Скопје', тој покажа непоколеблива посветеност за академска извонредност. Неговите бројни научни придонеси во областа на економијата и менаџментот дополнително ја нагласуваат неговата посветеност за унапредување на знаењето и иновациите“, се наведува во објавата на организацијата во однос на новата позиција на поранешниот премиер.
Понатаму во објавата се посочува дека суштински принципи на КОСКУ се вклученост, издигнување и прифаќање преку кои организацијата се стреми да ја поддржи родовата еднаквост, еднаквите можности и заедницата.
„Експертизата и лидерството на г-дин Ковачевски несомнено ќе ги подобрат нашите напори, особено во нашите тинк-тенк иницијативи насочени кон обликување на образовните политики и поттикнување на меѓународната соработка“, велат од КОСКУ.
.webp){kind=icon}
