.webp){kind=icon}
САД се подготвени да додадат и кинески компании на црната листа за извоз поради, како што тврди администрацијата, поврзаност со воената глобална програма за шпионажа со балони, информираат извори запознаени со ова прашање. Се очекува објавата да стигне секој момент, велат изворите, кои побараа да бидат анонимни бидејќи станува збор за чувствително прашање.
Претседателот Џо Бајден рече дека наводниот инцидент со шпионажа не им наштетил материјално на односите меѓу САД и Кина, но дека тоа е прекршување на суверенитетот на САД и дека САД ќе се залагаат за својата национална безбедност против таквите закани. Тој наиде на бран критики од републиканските пратеници, кои рекоа дека на балонот никогаш не требало да му биде дозволено да помине низ континенталната територија на САД, и тоа една недела пред да биде соборен минатата сабота.
Портпаролката на Белата куќа, Карин Жан-Пјер, во четвртокот рече дека администрацијата ќе истражи преземање мерки против ентитетите на НР Кина што го поддржаа упадот на балонот во воздушниот простор на САД. Портпаролите на Националниот совет за безбедност не одговорија веднаш на барањето за коментар. Таканаречената листа на ентитети е де факто црна листа за извоз што дозволува извоз во САД само ако владата издаде посебна дозвола.
