.webp){kind=icon}
Израелскиот премиер Бенјамин Нетанјаху, неколку часа по формирањето итна влада и воен кабинет, навести голем копнен напад врз Газа, ветувајќи дека ќе го уништи Хамас.
„Секој терорист на Хамас е мртов човек“, рече Нетанјаху во вечерното обраќање, каде што покрај него говореа министерот за одбрана Јоав Галант и Бени Ганц, лидер на опозициската партија.
Пет дена откако палестинската милитантна група го изврши најсмртоносниот напад врз Израел во последниот половина век, двете страни се подготвуваат за крвава конфронтација, при што израелските трупи се собираат на границата со Газа. Судбината на многу од заложниците киднапирани од Хамас за време на викендот виси на конец.
Прочитај повеќе
Што е Хамас - историја на милитантната група што го нападна Израел
Со еден потег, нападот на Хамас врз Израел ги преуреди регионалните приоритети во скора иднина.
10.10.2023
САД го критикуваат ставот на Кина за конфликтот во Израел
Кинескиот претседател Шји Џјинпинг во понеделникот се состана со делегација на американски сенатори во Пекинг.
09.10.2023
Жестокиот напад врз Израел го става Иран во центарот на вниманието
Најновиот напад врз Израел од страна на палестинската милитантна група Хамас го обнови фокусот на светот кон војната во сенка.
09.10.2023
Израелската централна банка продава 30 милијарди долари
Продажбата е дел од програмата за поддршка на пазарите по нападите на милитантите на Хамас.
09.10.2023
„Има време за војна и време за мир“, рече Ганц. „Сега е време за војна“, додаде тој. Галант, кој вообичаено го користи најагресивниот речник, рече: „Ќе ги избришеме од лицето на Земјата“.
Нивните говори сигнализираа дека Израел можеби влегува во последните подготовки за инвазија на тесниот појас меѓу Израел и Египет, кој беше под контрола на Хамас.
Бенјамин Нетанјаху
Bloomberg
Коментарите сугерираат дека офанзивата ќе ги надмине настаните од 2014 година, кога израелските сили нападнаа и убија повеќе од 2.000 жители на Газа.
Официјални лица велат дека влогот овој пат е значително поинаков, со оглед на невидените размери на нападот на Хамас во кој загинаа најмалку 1.200 Израелци. Повеќе од 1.000 Палестинци беа убиени во одмазднички напади врз Газа.
Хамас, прогласен за терористичка група од САД и Европската Унија, држи непознат број Израелци како заложници.
Последните пораки сугерираат дека Израел веројатно не чека да ја осигури безбедноста на овие заложници пред да влезе - и покрај заканите на Хамас дека ќе почне да ги убива.
„Ова не е време за тешки прашања“, рече Ганц. „Ова е време за силни одговори на бојното поле“, додаде тој.
„Израелските одбранбени сили им даваат приоритет на нападите врз командантите и функционерите на Хамас, како и неговата разузнавачка и финансиска инфраструктура во Појасот Газа“, рече портпаролот Џонатан Конрикус на видеобрифинг на платформата X.
