text size
Генералната секретарка на ОБСЕ, Хелга Марија Шмид денеска на завршната прес-конференција на маргините на 30. Министерски совет на ОБСЕ посочи дека одлуките кои се донесени од земјите-членки во Скопје ќе овозможат успешно продолжување на работата на организацијата - преку овозможување стабилност, сигурност, човекови права и фундаменталната слобода на луѓето.
„Јас ќе ја сработам својата задача како генерална секретарка исто како и моите колеги од останатите три институции, бидејќи ова не е за нас, туку за луѓето. Ние сме тука да ја пренесеме целта на организацијата. ОБСЕ денес е успешна организација. Предизвик е во моменталните услови да се најде заеднички јазик за секоја тема, но нашата организација се темели на принципи и вредности речиси 50 години“, рече Шмид.
Како што посочи, целта на организацијата не е само да се адресираат моменталните предизвици, туку да се повикаат сите учесници на одговорност. Ова, потенцира Шмид, го потврди и претседавачот Бујар Османи изминативе два дена.
Прочитај повеќе
Османи: ОБСЕ е безбедно, ја спасивме организацијата
„Ова е најголемиот политички настан на наше тло и овој состанок се случи во вонредно време“, посочи шефот на македонската дипломатија.
01.12.2023
Карпентер: Лавров секогаш ја префрла вината, ја има усовршено таа уметност
Лавров уште еднаш фрли вина на другите, изјави постојаниот претставник на САД во ОБСЕ.
01.12.2023
Лавров: Западните сили се виновни за проблемите на Балканот
Македонија беше нарекувана Поранешна југословенска Република Македонија и тоа беше понижувачко име, вели Лавров.
01.12.2023
Војната во Украина во фокус на министерскиот совет на ОБСЕ
За време на самитот на ОБСЕ се потпишаа заедничка декларација за борба против корупцијата.
30.11.2023
Таа подвлече дека сите 57 земји членки одлучиле да ја изберат Малта за иден претседавач, и токму ова, како што рече, ќе го го овозможи континуитетот кој е потребен да се задржи Организацијата.
„Јас како генерална секретарка на ОБСЕ ја поддржувам одлуката за идниот претседавач“, додаде Шмид.
Борг: Мора да се фокусираме на ставање крај на војните
Токму новиот претседавач на ОБСЕ, министерот за надворешни работи на Малта, Јан Борг, рече дека организацијата мора и натаму да се фокусира на ставање крај на војните и конфликтите, нагласувајќи дека руската агресија врз Украина мора да запре.
Јан Борг
МИА
На завршната прес-конференција, Борг истакна дека анонимниот глас од сите 57 земји кои му ја укажале довербата за нов претседавач, е доказ, како што рече, на нашата заедничка заложба да продолжиме да ја зајакнуваме организацијата и да осигураме дека покрај сите предизвици со кои се соочуваме, организацијата ќе продолжи да работи.
„Како што го почнуваме нашето заедничко патување, ќе се посветиме на исполнување на нашите должности и одговорности во времето што претстои“, рече тој.
Борг очекува да работи рака под рака заедно со сите партнери и кажа дека ќе се обврзе да работи кон поттикнување на зајакнување на мултилатеризмот.
.webp){kind=icon}
