Претседателката има лично право да го користи името Македонија, велат од кабинетот

Македонската претседателка Гордана Силјановска-Давкова во своите јавни настапи има право да го употребува името Македонија, како чин на лично право на самоопределување и самоидентификација, почитувајќи ги основните човекови права и слободи и во согласност со европските вредности и начела, информираат денеска од кабинетот на претседателката, по низата критики од соседна Грција и од меѓународната јавност во однос на нејзината свечена изјава во Собранието.  

Претседателката Силјановска-Давкова, како што се наведува во соопштението, се придржува до официјалната примена на уставното име.

„Во согласност со Уставот, како што беше подготвена од службите на Собранието, свечената заклетва беше потпишана со користење на уставното име. Македонските институции во последниве пет години речиси целосно ги исполнија обврските од Преспанскиот договор и претседателката очекува сите македонски партнери да ги почитуваат билатералните и мултилатерални обврски што ги презеле кон земјата“, се наведува во соопштението.

 

Во моментов нема коментари за веста. Биди прв да коментира...

Остави коментар