Италијанската премиерка Џорџа Мелони треба да го посети Њујорк во септември за да ја прими наградата „Глобал ситизен“ (Global Citizen). Наградата наводно ќе ѝ ја врачи Илон Маск, извршен директор на „Тесла“ и сопственик на социјалната мрежа X, но тоа не e единствената средба меѓу Мелони и најбогатиот човек на светот.
Имено, Маск и Мелони досега се сретнаа во неколку наврати. Нивната последна средба беше на политички настан организиран од десничарската партија предводена од Мелони.
Маск одржа говор на прославата, која личеше на божиќен пазар и привлече толпа посетители од сите возрасти. Тоа беше негово ретко појавување на политички настан. Маск потоа зборуваше за демографската криза во Италија и предупреди на опасностите од „вирусот на идејата воук (woke)“.
Сепак, нивниот состанок месецов, наводно, ќе биде организиран за да разговараат за вселенските инвестиции на Италија и прашањето за вештачката интелигенција.
Bloomberg
Во јуни Италија одобри нова регулаторна рамка што им овозможува работа на странските компании вклучени во вселенската технологија, а Италија наводно очекува да собере 7,3 милијарди евра инвестиции во секторот до 2026 година. Наводно, постојат можности за соработка со Маск, кој е и сопственик на компанијата „Спејс екс“ (SpaceX), која се занимава со производство на вселенски летала.
Инаку, наградата што ќе ја добие Мелони им оддава почести на извонредни поединци што работат на некои од глобалните предизвици на локално ниво. Организаторите сакаат да ѝ доделат награда на италијанската премиерка за нејзината клучна улога во обезбедувањето на многу потребната европска помош за Украина и затоа што таа стана моќен соговорник низ Европа и светот, пренесува „Блумберг“ (Bloomberg).
Пред Мелони, наградата им беше доделена на украинскиот претседател Володимир Зеленски и на американската министерка за финансии Џенет Јелен.
.webp){kind=icon}