Пилот избодел колега на „Флајдубаи“, патниците и екипажот спречиле катастрофа на лет кон Тел Авив

Авион што превезувал патници од Табук, Саудиска Арабија, слета во Тел Авив, откако нивниот лет на „Флајдубаи“ (FlyDubai) од Дубаи кон Тел Авив биле пренасочен по судир во пилотската кабина, во кој еден пилот го избодел другиот.

Израелскиот премиер Бенјамин Нетанјаху соопшти дека нема загинати или тешко повредени. Според службата за итна помош Маген Давид Адом, амбулантни возила се во состојба на готовност на аеродромот „Бен Гурион“ во Тел Авив за да ги прегледаат патниците и да им укажат првична медицинска помош.

Израелскиот министер за одбрана Израел Кац изјави дека „тешкиот инцидент во авионот на ‘Флајдубаи’ бил обид за џихадистички напад“, нагласувајќи дека оценката се заснова на „прелиминарните информации што ни се достапни“.

Податоците од страницата за следење летови Флајтрадар 24 (Flightradar24) покажуваат дека авионот „боинг 737“ за помалку од 30 секунди се спуштил за повеќе од 14.000 стапки, односно 4.300 метри, од висината на крстарење, приближувајќи се до брзината на звукот, пред екипажот да успее повторно да го стабилизира.

Уште пред Нетанјаху да потврди дел од драматичните детали за летот, снимките од авионот на аеродромската платформа во Саудиска Арабија укажуваа дека патниците преживеале драматични моменти. 

Засега не се познати идентитетите на пилотите ниту бројот на патници во авионот. Авионите „737 МАКС 8“ на „Флајдубаи“ вообичаено имаат околу 174 седишта.

Не е целосно познато ниту како патниците и екипажот успеале да влезат во пилотската кабина. Во своето обраќање Нетанјаху ги истакна „исклучителната снаодливост и храброст“ на оние што успеале да го совладаат пилотот и помогнале да се избегне катастрофа.

По нападите од 11 септември, вратите на пилотските кабини се зајакнати за да го заштитат предниот дел од авионот од несакан упад. Тие се изработени со цврсти композитни материјали, метали со висока јачина и електронски системи за заклучување во повеќе точки, за да издржат насилно влегување и балистички закани.

Ова е првиот сомнителен случај на киднапирање на лет кон Израел во околу две децении. Инцидентот се случува во напната политичка атмосфера, додека Израелците се подготвуваат за изборите на 27 октомври, на кои националната безбедност ќе биде една од главните теми. Тоа ќе бидат првите избори по нападот на Хамас на 7 октомври 2023 година.

Нетанјаху беше на власт кога се случи тој напад, најсмртоносниот во историјата на Израел, а многумина очекуваа да поднесе оставка или да биде принуден да ја напушти функцијата. Наместо тоа, тој започна воени напади во Газа, Либан, Сирија, Јемен и, на крајот, во Иран.

Инцидентот ќе предизвика загриженост за патувањето низ еден од регионите со најгуст авиосообраќај во светот. Од почетокот на војната во Иран на крајот на февруари, авиокомпании како „Флајдубаи“, Емиратс (Emirates) и Катар ервејс (Qatar Airways) беа принудени делумно да ги запрат операциите поради безбедносни закани и загриженоста на патниците за летање низ тој воздушен простор.

Во последните месеци состојбата се врати речиси во нормала, а Дубаи особено настојуваше да ја обнови својата привлечност како просперитетен деловен и туристички центар.

„Флајдубаи“, сестринската авиокомпанија на Емирејтс, почна да лета меѓу Тел Авив и Дубаи кон крајот на 2020 година, откако Обединетите Арапски Емирати и Израел ги потпишаа Аврамските договори со посредство на САД. Оттогаш ги зголеми операциите на 70 лета неделно, според веб-страницата на авиокомпанијата. ОАЕ станаа популарна дестинација за израелските туристи и за Израелците што патуваат кон места како Азија.