Грејната сезона во Белград нема да заочне утре, на 15 октомври, како што пропишува законот, а градските власти како образложение го наведоа топлото време и заштедата во период на лоша енергетска ситуација во земјата и светот. Тврдат дека одложувањето на стартот на грејната сезона ќе заштеди неколку милиони евра.
Одложувањето на грејната сезона не се носи на државно ниво, туку за тоа ослучува секоја локална самоуправа одделно. Белград е првата општина во Србија, која што донесе таква одлука. Но, градските власти не наведоа точен датум кога радијаторите ќе почнат да грејат, иако не е исклучено дека тоа би можело да биде на почетокот од ноември.
„Градскиот совет денеска донесе одлука да се одложи почетокот на грејната сезона во Белград во согласност со временските услови и општата состојба со енергенсите во светот и во Србија“, изјави за „Беоинфо“ градоначалникот Александар Шапиќ и додаде дека градскиот штаб ќе ја следи временската состојба постојано и во согласност со температурите ќе извести кога ќе почне грејната сезона.
Прочитај повеќе
Криза на пазарот: доаѓа време кога „пелети со пари не се купуваат“
Во моментов пелети се увезуваат од Турција, домашното производство покрива само 20 отсто од потребите
11.10.2022
Но, градоначалникот на српската престолнина не посочи дали заштедените пари ќе им се вратат на граѓаните кои за да имаат топлинска енергија од 15 октомври до 15 април плаќаат во текот на целата година.
Владата на Србија тврди дека се подготвени за старт на грејната сезона
Додека од Град Белград одлучија да го одложат стартот на грејната сезона, српските власти соопштија дека се подготвени греењето да почне на време.
„Се' е подготвени за грејната сезона во Србија да почне на 15 октомври“, соопштија вчера владини претставници со напомена дека становите не треба да се загреваат кога надворешната температура е висока.
Според Здружението за заштита на потрошувачи одлагањето на грејната сезона не значи пониски сметки
Претседателот на Здружението за заштита на потрошувачи, Ненад Бумбиќ, вели дека одложувањето на сезоната без пропорционално намалување на сметките ќе ги продлабочи проблемите на незаконски прекумерна наплата на греењето.
„Сите корисници на топлинска енергија, на кои греењето им се наплатува според површината на станот во текот на целата година, мора на топланите да им плаќаат иако за возврат добиваат значајно помалку енергија отколку што им е наплатено“, рече Бамбиќ.
На поголем дел од потрошувачите топланите во Србија им наплаќаат меѓу 20 и 40 отсто повеќе енергија отколку што испорачуваат, тврди претседателот на Здружението за заштита на потрошувачите.
„Ние разбираме дека енергетската ситуација е таква за да мора да се штеди и тоа никој не го оспорува“, истакнува Бумбиќ и додава дека тоа сепак не значи дека е фер и законски на потрошувачите да им се наплатува греење и во периодот кога мора да имаат, а немаат топлинска енергија. Затоа предлага да се изврши корекција, односно да се намалат сметките за греење соодветно на испораката.
.webp){kind=icon}
