Пропустот во означувањето лажна или погрешна содржина на интернет може да „доведе до многу брза злоупотреба“ на „Твитер“, рече во интервју за „Блумберг“ заменик-претседателката на Европската комисија, Вера Јурова, која ги води напорите за борба против дезинформациите на интернет. Тоа вклучува и осигурување дека платформата нема да стане центар за руска пропаганда.
„Ако не дејствувате активно против пропагандата, што подразбира отстранување делови од пропаганда и дезинформации, тогаш активно ја поддржувате војната“, рече таа. „Тоа би било многу незгоден и можеби опасен потфат или авантура за г. Маск“, кој „сака на него да се гледа како на некој што ѝ помага на Украина“. Таа го наведе сателитскиот систем на Маск, „Старлинк“, кој им обезбедува интернет-комуникации и на граѓаните на Украина и на нејзината војска.
Коментарите се последното во низата предупредувања за можните несакани ефекти од масовните оставки и отпуштања откако Маск го затвори купувањето на највлијателната светска платформа за социјални медиуми, во вредност од 44 милијарди долари, вклучувајќи ја и нејзината способност да се усогласи со низа закони на ЕУ, што ги опфаќа и строгата Општа регулатива за заштита на податоците и новиот закон за дигитални услуги (DSA).
„Ако руската пропаганда лесно ја користи мрежата“, тогаш „многу веројатно ги прекршувате правилата за санкции, зашто можеби дистрибуирате содржина продуцирана од санкционирани медиуми, како што се 'Раша тудеј' и 'Спутник'“, рече Јурова, инаку поранешна чешка политичарка.
Bloomberg Mercury
Од „Твитер“ не одговориле веднаш на барањата за коментар.
Во меѓувреме, Јурова рече дека сопственикот милијардер, кој вети дека ќе ја врати „слободата на говорот“ на Твитер, не треба да ги потценува ЕУ и тешките санкции со кои може да се соочи платформата доколку не ги почитува правилата на блокот.
DSA, која цели на штетни содржини и дезинформации на платформите, сè уште е во зародок и „Твитер“ треба да направи многуво наредните месеци за да се усогласи пред да започне спроведувањето следната година.
Казните, според законот, би можеле да достигнат до шест отсто од годишната глобална продажба на „Твитер“, додека прекршувањето на GDPR може да доведе до казни до четири отсто. Комисијата, исто така, вети дека следната година ќе спроведе „стрес-тест“ за напорите на „Твитер“ да се усогласи со законите за умереност на содржината.
„Чувствувам дека нема доволно разбирање од господинот Маск, а можеби и од некои други луѓе околу него, дека Европа е напредна“, рече Јурова. „По долги години темелна анализа како да се пристапи кон дигиталната сфера, решивме да регулираме и сериозно мислиме декасекој што сака да прави бизнис на територијата на ЕУ мора да ја почитува регулативата“, додаде таа.
Американската стопанска комора при ЕУ, чии членки се „Форд“, „Ексон“ и „Амазон“, ја повикува ЕУ да ги одложи, па дури и да ги запре главните планови интегрирани во нејзините ЕСГ-правила.
Европските лидери ја отфрлија можноста за ублажување на санкциите кон Русија, што е едно од барањата на рускиот претседател Владимир Путин за да се согласи на делумен прекин на огнот.
Внесете ја вашата имејл-адреса на која ќе ви испратиме линк за ресетирање на лозинката.
Надминат е максималниот број уреди. Ако сте сопственик на сметката, кликнете на „Испрати најавување со е-пошта“ за да добиете е-пошта со врска за најавување. Откако ќе ја следите врската, ќе можете да управувате со уредите поврзани со вашата сметка.
.webp){kind=icon}
