Речиси една третина од испитаниците од државава опфатени со истражувањето „Нови дигитални навики“ на „Виза“ трошат од 600 до 900 денари месечно (26,5 отсто) за да вршат работи преку апликации или виртуелни платформи. Секој втор испитаник (56 отсто) користи онлајн услуги неколкупати на ден и речиси секој (99 отсто) тоа го прави преку паметен телефон.
„Четворица од десет Македонци наведуваат дека нивните навики станале подигитални или се претежно дигитални, како резултат на пандемијата. За половина од испитаниците, приватното време е најдигиталниот аспект од нивниот живот. Една третина велат дека е работата, а за 15 отсто одговорот е забава, поради големото време поминато на преостанатите стриминг-платформи, а само пет отсто ја користат за здравје, што подразбира закажување вакцинации и лекарски прегледи, онлајн обуки или следење на здравјето преку апликација“, стои во истражувањето.
Речиси половина од учесниците во анкетното истражување ја имаат посочено брзината како најважен фактор при одлучувањето за користење виртуелни услуги (49 отсто), потоа едноставноста со 27 отсто, пристапноста со 22 отсто и на крајот безбедноста со помалку од еден отсто.
Денешниот потрошувач, покажува истражувањето, е подготвен да им даде приоритет на личната благосостојба и слободното време наместо да прави сѐ пеш. На прашањето кој дел од нивниот живот значително ќе се подобри со поголема употреба на апликации и онлајн платформи, четворица од десет испитаници ја посочиле јавната администрација.
Над една третина од испитаниците мислат дека нивните дигитални навики во иднина ќе се зголемат во нештата поврзани со работата. На второ место се транспортот и здравјето (24 отсто) и финансиските услуги (20 отсто), како и купувањето, со истиот процент. Ова покажува дека Македонците се приспособиле на дигиталните светски трендови и сакаат да ги вклучат практичноста и придобивките од дигиталната технологија во својот секојдневен живот, стои во истражувањето.
Меѓу главните платформи, секој втор испитаник најчесто користи е-банкарство и дигитални плаќања (51 отсто), платформите за стриминг се на второто место (30 отсто), а потоа следуваат апликациите за нарачка и испорака на храна (17 отсто), додека само еден процент од популацијата користи апликации за транспорт со такси.
.webp){kind=icon}
Во моментов нема коментари за веста. Биди прв да коментира...