Речиси три четвртини од работниците во Лондон повеќе би сакале да ги напуштат своите работни места отколку да се вратат во канцеларија со полно работно време, покажа истражувањето, при што многумина бараат зголемување на платите со цел да ги намалат последиците од инфлацијата за да се откажат од правото на флексибилна работа.
Истражувањето на „Блумберг интелиџенс“ (Bloomberg Intelligence) покажа дека вработените во главниот град се уверени во својата преговарачка моќ во услови на тесен пазар на трудот и широкораспространето работење од дома по пандемијата на ковид.
Во истражувањето на 500 канцелариски работници во главниот град, 73 проценти рекле дека би побарале алтернативно вработување ако им се каже да работат пет дена во неделата од канцеларија. На четворица од секои десет работници ќе им треба покачување од најмалку 16 проценти за да ја преиспитаат својата позиција.
Повисоко платениот персонал има поголема веројатност да се заложи за уште поголеми покачувања ако му побараат да се откаже од работата од дома, покажуваат податоците од истражувањето. Трошоците за патување беа наведени од над две третини од работниците како клучна причина за немањето желба да се патува до канцеларија. Цените на железницата ќе се зголемат дури за 5,9 проценти во Англија од следниот месец.
Инаку, над 95 отсто од испитаниците рекле дека им е дозволено да работат од дома барем дел од времето, се наведува во истражувањето.
.webp){kind=icon}
