Тројца директори на британски компании за трговија со челик се осудени поради измама за финансирање на трговијата во вредност од 500 милиони долари.
Насер Алагбанд, главен извршен директор на „Бали стил“ (Balli Steel Plc), кој се изјасни за виновен и не му се судеше, денеска беше осуден на шест и пол години затвор. Мелис Ерда и Луиз Ворсел, управен директор и благајник во единицата на „Бали груп“ (Balli Group Plc), беа прогласени за виновни од страна на поротата по повеќе точки од обвинението за измама, со што и двајцата се осудени на повеќе од три години затвор. Тие добија и шестгодишна забрана да бидат директори на компании.
Обвинителите на Канцеларијата за сериозни измами на Обединетото Кралство ги обвинија тројцата дека планирале да ги измамат банките за финансирање трговија, вклучувајќи ја и „Кооператив робобанк“ (Cooperatieve Rabobank UA), со цел да добијат заеми преку обезбедување лажни документи за испорака и фалсификувани потписи на лажни договори за продажба.
„Бали стил“ тргуваше со челик на глобално ниво користејќи краткорочни заеми за финансирање на своите зделки. Истрагата беше поведена кога компанијата пропадна во 2013 година, со долг од околу 500 милиони американски долари кон повеќе од 20 банки.
„Користејќи адреса на Кајманските Острови, овие тројца поединци ја вршеа својата криминална трговија за да измамат банки за половина милијарда долари“, рече Лиза Ософски, директорка на Канцеларијата за сериозни измами на Обединетото Кралство, по изрекувањето на пресудата. Адвокатите на тројцата осудени не одговорија веднаш на барањето за коментар.
.webp){kind=icon}
Во моментов нема коментари за веста. Биди прв да коментира...