„Токио гас“ (Tokyo Gas Co.) ќе започне со големо преуредување на земјиштето што го поседува во близината на новиот рибен пазар во градот, во обид да создаде град со практично нула емисија на јаглерод диоксид.
„Компанијата ќе потроши десетици милијарди јени (стотина и повеќе милиони евра) за да го направи Шин-Тојосу 'кружен град од иднината', кој го лови и повторно го користи јаглеродот што се емитува од снабдувањето со електрична енергија и топлина“, рече Такаши Анамизу, претседател на единицата за недвижности на претпријатието. Конкретниот план ќе се направи во тековната фискална година.
Областа, која опфаќа околу 200.000 квадратни метри и се наоѓа во непосредна близина на „Тојосу маркет“ (Toyosu Market), ќе се развива во фази, а ќе има канцеларии, комерцијални објекти и резиденции. Првата фаза се очекува да биде завршена околу 2030 година.
Размислувањата за животната средина стануваат сè поважни во развојот на недвижен имот. Постои растечки тренд за декарбонизација на снабдувањето со електрична енергија на зградите со инсталирање функции, вклучувајќи соларни панели, опрема за заштеда на енергија и батерии за складирање.
Според „Токио гас“, ова ќе биде првпат во Јапонија цели згради, вклучувајќи го и снабдувањето со топлинска енергија, да бидат декарбонизирани. Анамизу има цел да ја прошири иницијативата и во други области.
Во целниот регион претходно се наоѓаше фабрика на „Токио гас“, која произведуваше гас од јаглен, како и термоцентрала.
.webp){kind=icon}
Во моментов нема коментари за веста. Биди прв да коментира...