.webp){kind=icon}
Врховниот суд на САД денеска ја укина пресудата од 1973 година позната како Роу против Вејд, со што го симна правото на абортус од листата на уставно загарантирани човекови права. Како резултат на тоа, абортусот ќе стане нелегален во околу половина од американските држави, пишува Bloomberg. Одлуката ќе го продлабочи јазот во веќе поделеното американско општество.
Членовите на Врховниот суд гласаа по идеолошка линија. Шест судии назначени од републиканците гласаа за одлуката на државата Мисисипи да пресуди дека абортусот по 15 недели од бременоста е кривично дело. Тројцата врховни судии беа против.
„Какви и да се последиците од оваа одлука, едно е јасно: жените го загубија статусот на слободни и рамноправни граѓани“, напишаа тројцата врховни судии кои се спротивставија на одлуката. „Со тага, пред овој суд, а пред сè пред сите жени кои ја загубија својата уставна заштита, велиме дека не се согласуваме“, порачаа тие.
„Роу против Вејд ја узурпира моќта на народот, недвосмислено дадена со Уставот, да одлучува самостојно за ова важно општествено и морално прашање“, порачаа во заедничка изјава судиите кои гласаа за отстранување на абортусот од списокот со уставно загарантирани човекови права.
Институтот „Гутмахер“ (Guttmacher) проценува дека 27 држави во САД целосно ќе го криминализираат абортусот. Тринаесет од нив имаат вграден механизам во нивниот правен систем кој забранува автоматски абортус доколку Врховниот суд го поништи Роу против Вејд.
Демократите веќе најавија дека ќе се обидат да го зачуваат правото на абортус на федерално ниво. Со оглед на тоа што „Галуп“ (Gallup) во неговите анкети открива дека околу 55 отсто од Американците се за абортус, денешната одлука може да биде од корист за демократите на изборите за Конгресот и Сенатот во ноември.
Многу компании, меѓу кои и најголемата американска банка JPMorgan & Chase, веќе најавија дека ќе ги платат трошоците за превоз на своите вработени доколку сакаат да абортираат, а притоа за процедурата ќе треба да одат во друга држава.
