Какви се моменталните ценовни трендови кај стоките и какви се очекувањата за движењата на берзанските цени на енергијата, нафтата, металите и основните земјоделски производи ќе можете да прочитате в понеделник, во новата анализа што ја подготви аналитичкиот тим на „Блумберг Адрија“.
Прашуваме зошто многу малку компании во Македонија добиваат оценки од рејтинг-агенциите, како и што треба да се направи за одредена компанија да добие ЕСГ-рејтинг. Анализираме дали постојат македонски брендови што имаат своевиден бум и од кои дејности доаѓаат тие компании.
Истражуваме колку македонските граѓани купуваат недвижности во познатите туристички места во земјава и во странство, како и кои се најскапите недвижности што на продажба ги нудат македонските банки откако биле предмет на заплена поради неплатени кредити.
Ќе можете да прочитате и до каде е Македонија во развојот на инфраструктурата за дистрибуција на природен гас и како течат долгонајавуваните проекти за диверзификација на снабдувањето со природен гас, односно поврзувањето со регионалните мрежи.
Откриваме и колку се вложува во македонските спортски клубови што котираат на Македонската берза, односно колкави се нивните приходи и дали воопшто остваруваат некаква добивка.
.webp){kind=icon}
Во моментов нема коментари за веста. Биди прв да коментира...