Двоцифрен пад на акциите на „Нетфликс“

Проекцијата за приходите за претстојниот трет квартал на компанијата „Нетфликс“ (Netfix) е помала од очекувањата на пазарот, што сугерира дека спречувањето на споделувањето на лозинките и зголемувањето на приходите од реклами сè уште не го даваат очекуваниот раст. Овие резултати ги разочараа инвеститорите, а акциите последователно паднаа дури за 10 отсто, на 430,41 долари, по затворањето на берзите во средата. Цената на акцијата годинава порасна за 62 отсто токму поради оптимизмот за иницијативите поврзани со лозинките и рекламите.

Компанијата „Нетфликс“ ја зголеми својата база на претплатници за осум отсто, додека продажбата се зголеми само за 2,7 отсто или 8,19 милијарди долари, нешто под проекциите на аналитичарите. Ова делумно се должи на девизните курсеви и намалувањето на цените на некои берзи. „Нетфликс“ исто така објави помал приход по корисник во претходниот квартал. Компанијата очекува продажба од 8,52 милијарди долари во третиот квартал во споредба со просечните 8,67 милијарди долари според пазарните процени.

Bloomberg Mercury

Директорите на „Нетфликс“ во разговор со аналитичарката Џесика Реиф Ерлих побараа трпение. „Ќе бидат потребни неколку квартали за да се видат финансиските придобивки од т.н. ’платено споделување’“, рече во средата Грег Питерс, еден од извршните директори.

„Иако оваа година постигнавме стабилен раст, сепак има простор за подобрување“, напиша компанијата во писмото од акционерите.

„Нетфликс“ го зголеми бројот на 5,89 милиони претплатници за да го заврши вториот квартал со 238,4 милиони члена, што е далеку над очекувањата на пазарот. Овие резултати го означија најдобриот втор квартал на компанијата регистриран од пандемијата и ги надминаа очекувањата на учесниците на берзите. Менаџментот на компанијата очекува сличен раст и во третиот квартал.

Зголемениот број на претплатници од компанијата се должи на политиката воведена за споделување лозинки. Во мај стриминг-гигантот почна да им наплаќа на луѓето во повеќе од 100 земји за споделување на нивните лозинки. Тоа е клучен дел од нејзиниот план да го забрза растот по бавната 2022 година. Гледачите што користат туѓа претплата сега можат или да платат за да продолжат да гледаат или да создадат своја сметка.

 

Bloomberg Mercury

Корисниците имаа различни мислења за одлуката, а аналитичарите не беа сигурни како ќе влијае тоа на растот на компанијата. Претставниците на компанијата веќе долго време велат дека не им е грижа дали луѓето користат туѓа сметка. Сепак, овие изјави беа во време кога бројот на корисници растеше за повеќе од 25 милиони годишно. „Нетфликс“ изгуби претплатници во првата половина на 2022 година, што предизвика пад на акциите.

„Нетфликс“ првично предупреди дека ќе има зголемен број откажани претплати поради новите правила за споделување лозинки, но, според податоците, бројот на нови претплатници го надминал бројот на откажани претплати. За третиот квартал се предвидува раст од 7,5 отсто.

 

Пред објавувањето на резултатите, од компанијата „Нетфликс“ го укинаа и најевтиниот пакет без реклами, а на гледачите им понудија опција пакетот по таа цена да биде со реклами, додека поскапиот пакет да биде без реклами. И покрај загриженоста на аналитичарите за можните загуби, компанијата „Нетфликс“ од квартал во квартал испорачува повисоки приходи од многу конкурентски компании.  

Поради најавените штрајкови на актерите и сценаристите, компанијата „Нетфликс“ ја зголеми и прогнозата за слободниот готовински тек за 2023 година на 5 милијарди долари од првично планираните 3,5 милијарди долари, поради намалените трошоци за производство.

Таа придобивка, сепак, ќе биде привремена. Слободниот готовински тек ќе биде погоден следната година кога ќе се рестартира филмската индустрија. 

 

Во моментов нема коментари за веста. Биди прв да коментира...

Остави коментар