Автомобилите со бензински и дизел-мотори нема да можат да влезат во делови од центарот на Стокхолм од 2025 година, бидејќи градските власти се обидуваат да го намалат загадувањето.
Делот од градот што се протега на дваесетина паралелни улици, каде што се наоѓаат главните финансиски институции и најголемиот број продавници и бутици, ќе овозможи пристап само до електрични автомобили. Таму ќе можат да влезат и некои хибридни камиони, како и некои возила со погон на водород.
Bloomberg
Стокхолм би можел да биде првиот голем главен град што ќе воведе таква сеопфатна забрана и ги надминува плановите на Париз, Атина и Мадрид за забрана на дизел-автомобили. Други градови, вклучувајќи го и Лондон, воведоа зони со ниски емисии што вклучуваат дневни трошоци за автомобили со постари мотори со внатрешно согорување за влез во центарот на градот.
„Сакаме да создадеме почиста средина за луѓето што живеат и работат овде“, изјави за шведската државна телевизија локалниот пратеник Ларс Стромгрен, кој е одговорен за сообраќајната политика.
Останува да се види дали планот навистина би можел да ја зголеми продажбата на електрични возила во Шведска. Продажбата на електрични возила во земјата не се одвива баш лесно, бидејќи потрошувачите го чувствуваат притисокот на инфлацијата. Претходно годинава организацијата „Мобилити“ (Mobility Sweden) ја намали својата прогноза за нови регистрации на електрични возила во 2023 година, на 35 отсто од вкупните регистрации од претходните 40 отсто.
.webp){kind=icon}
