Министерот за одбрана Марио Баножиќ е тешко повреден во сообраќајна несреќа што се случи во саботата наутро кај Винковци, а возачот на комбето кој учествувал во несреќата загинал, пренесува „Хина“. Министерот во несреќата учествувал со приватен автомобил, а поради тежината на повредите ќе биде префрлен од Винковац во Осиекската болница.
Владиниот портпарол Марко Милиќ, чии зборови ги пренесува „Хина“, изјавил дека министерот има сериозни физички повреди, но „по првичните проценки на лекарите тој е надвор од животна опасност“. Од болницата во Винковац за ХРТ објаснија дека министерот има „првенствено повреди од контузија на главата и мозокот“, но дека е во контакт и не изгубил свест.
Несреќата се случила на државниот пат ДЦ-55 на излезот од Винковци кон Жупања. Повеќе информации се очекуваат по увидот. Владата изрази сочувство до семејството на возачот кој загина во сообраќајна несреќа, пишува Хина.
.webp){kind=icon}
