Речиси две илјади парчиња брендирана облека, обувки и женски чанти со потписот на „Луј Витон“, „Диор“, „Монклер“, „Гучи“, „Версаче“, „Барбери“, „Мајкл Корс“ и други познати модни брендови се запленети од страна на мобилен тим при Секторот за контрола и истраги, по извршена контрола на камион пријавен за транзит на граничниот премин Деве Баир.
Пратката, како што соопшти Царинската управа, била од Турција и требало да се транспортира до Босна и Херцеговина. Во согласност со направената процена, доколку овие производи се продавале како оригинали, на пазарот нивната вкупна вредност би била 19,9 милиони денари.
„Контролата е спроведена по преглед на документацијата и сомнение во изјавата на возачот, при што во камионот се откриени 1.907 парчиња облека, обувки и чанти, сите со потпис на познати модни брендови. Против превозникот е поднесена пријава за повреда на право од интелектуална сопственост, а производите се запленети“, се наведува во соопштението.
.webp){kind=icon}