Какви се најновите трендови во банкарскиот сектор во земјите од регионот Адрија и во ЕУ ќе можете да прочитате в понеделник во новата анализа што ја подготви аналитичкиот тим на „Блумберг Адрија“. Истовремено, се осврнуваме на извештаите на македонските банки за работењето во 2023 година, во кои некои од нив првпат известуваат за своите ЕСГ-практики.
Истражуваме колку чини еден работен час во различни дејности во Македонија и колкава е продуктивноста на работниците. Откриваме колкав е бројот на банкротирани фирми во нашата земја и какви се трендовите во однос на минатите години.
Прашуваме како оди собирањето на даноците во првиот квартал од годинава, а во пресрет на велигденските празници истражуваме како им оди на најголемите производители на јајца во земјава.
Анализираме каков е профилот на невработените лица во Македонија, дали и какво образование имаат и колку се подготвени за преквалификација. ЕУ почна да имплементира нова регулатива, која обврзува на нула штетни емисии при изградба на станбен простор, прашуваме каква е состојбата во Македонија и кога може да се очекува преземање на европските правила.
Прашуваме што се случува со отпадот од храна и дали постојат механизми за подобро управување со таквиот отпад.
.webp){kind=icon}
