.webp){kind=icon}
Пристаништето во Балтимор може повторно да биде отворено за нормална работа до крајот на мај, откако каналот со ограничен пристап ќе биде исчистен за одреден бродски сообраќај кон крајот на месецов, соопшти инженерскиот корпус на американската армија.
Првиот официјален распоред од операцијата за спасување беше објавен на веб-страницата на американската армија во четвртокот, ден пред претседателот Џо Бајден да го посети Балтимор.
Најголемата поморска порта на нацијата за автомобили, камиони и фармерска опрема е затворена на неодредено време, откако контејнерски брод го уништи мостот „Френсис Скот Ки“ на 26 март - уби шестмина и зароби некои бродови на пристаништата, додека другите ги принуди да се пренасочат кон други пристаништа. Советниците на Белата куќа ги повикаа главните работодавци во Балтимор, вклучувајќи ги и „Амазон“ и „Хоум депот“, за да ги охрабрат да ги задржат работните места.
МИА
„Отворањето на преминот широк 280 метри и длабок 35 метри ќе трае околу четири недели“, наведе Армискиот корпус во образложувањето на пробниот план. Реставрацијата на оригиналниот канал - широк 700 стапки и длабок 50 стапки - се очекува да трае до крајот на мај.
„Ова се амбициозни временски рокови, кои сè уште можат да бидат под влијание на значителни неповолни временски услови или промени во сложеноста на остатоците“, истакна во објавата генерал-полковникот Скот Спелмон, командант на Армискиот корпус. „Работиме брзо и безбедно да го исчистиме каналот и да ја вратиме целосната услуга на ова пристаниште, кое е многу витално за нацијата“.
„Блумберг“ во четвртокот објави дека федералните власти се подготвени да ги објават прелиминарните наоди од својата истрага за неколку дена.
