Концертот на „Рамштајн“ ги исполни сите хотелски капацитети во Белград. Се очекува од претстојните настапи на оваа германска група, на 24 и 25 мај на Ушќе, српската престолнина да заработи меѓу 15 и 20 милиони евра.
„Рамштајн“ оваа година слави три децении постоење, а од сите градови во регионот на нивната листа за европската турнеја во 2024 година се најде само Белград. Веднаш по пуштањето во продажба билетите за концертот се распродадени, па поради на огромниот интерес и брзата продажба на билетите, беше закажан и втор концерт, ден подоцна. Токму поради ова, во српската престолнина пристигнуваат голем број гости од регионот, но и од другите делови на Европа.
Depositphotos
Концертите во Белград се своевидна ексклузивност, бидејќи најблиските дестинации до Србија каде што бендот ќе свири оваа пролет се Дрезден во Германија и Атина во Грција.
Во вторникот, на платформата „Букинг“, 97 проценти од сместувањето за наведените датуми не беа достапни. Само 63 објекти беа достапни за гостите на Белград, од кои повеќето беа новорегистрирани.
„Од 7.620 хотелски соби достапни во Белград, сите се резервирани. Оние кои купиле билети и резервирале сместување пред неколку месеци, за ноќевање во хотел плаќале од 100 до 150 евра. Последните 20 дена требаше да се издвојат и до 1.000 евра по лице Пазарот ги диктира цените, се разбира, доколку се пополнат 7.400 соби, останатите 100 соби ќе се продаваат поскапо“, вели Адрија Георги Генов, директор на Здружението на хотелиери и ресторани на Србија.
„Истото важи и за гостите кои резервирале сместување во еден од апартманите. Оние кои резервирале стан во текот на ноември или декември, кога голем број сопственици на станови за издавање не биле информирани дека ќе има голема побарувачка за овој настан, резервирале сместување за 50 и 60 евра од ноќевање, сега ситуацијата е сосема поинаква А тпа малку сместување што остана се изнајмува по многукратно повисоки цени“, вели тој.
Стан за наем во Јајинци чини близу 1000 евра
На пример, гостите кои чекаат последен момент да резервираат сместување, за изнајмување стан во Јајинци (населба во близина на Вождовац) за една ноќ, преку платформата „Букинг“, ќе треба да одвојат 117.000 динари (околу 1000 евра). Тоа е приградски дел на Белград, на речиси 10 километри од центарот. Доколку сакате да бидете поблиску до местото на одржување на концертот, апартманот ќе ве чини и до 140.000 од ноќевање (1200).
Интересно е што, на пример, само неколку дена подоцна, кога нема поголеми настани во Белград, за истото сместување треба да се издвојат 12.000 динари (околу 100 евра), односно 10 пати помалку.
Просечна потрошувачка по гостин 500 евра
Сепак, нема само хотелиерите да заработат од дводневното гостување на групата „Рамштајн“.
„Белград сигурно ќе заработи меѓу 15 и 20 милиони евра за двата дена на концертот. Станува збор за хотелиери, ресторани, такси, продавници, музеи и сите оние кои ќе бидат на услуга на гостите на градот. Кога станува збор за настани од овој тип, просечната потрошувачка по гостин е 500 евра“, вели Генов и додава дека на Белград му се потребни настани од ваков тип.
Што планира „Рамштајн“?
Рамштајн е бенд познат по своите спектакуларни сценски изведби и пиротехнички ефекти. Во Белград доаѓаат со 77 шлепери опрема. Концертниот простор ќе зафаќа околу 240.000 метри квадратни, а сцената ќе биде долга 60 метри и висока 36 метри. Нивната изградба трае шест дена. Јачината на звукот ќе достигне над два милиони вати, а бидејќи пиротехниката е заштитен знак на бендот, се очекуваат над 600 различни пиротехнички ефекти за кои се потребни над илјада литри бензин.
.webp){kind=icon}
Во моментов нема коментари за веста. Биди прв да коментира...