Доналд Трамп беше прогласен за виновен во првото кривично судење на поранешен претседател на САД во историјата на нацијата, пресуда што може да го преобликува политичкиот пејзаж пет месеци пред денот на изборите.
По дводневно размислување, поротата составена од 12 њујорчани го прогласи Трамп за виновен по сите 34 точки од обвинението за фалсификување документи и поткуп на актерка во филмови за возрасни, што се случило пред изборите во 2016 година.
По разгледувањето на исказите и доказите презентирани пред судот и врз основа на тоа каква одлука да донесе, а за тоа дискутираа два дена, сите 12 поротници го прогласија Трамп за виновен по сите 34 точки од обвинението на oкружниот обвинител на Менхетн Алвин Браг. Изрекувањето каква било пресуда се носи едногласно.
Трамп е обвинет за фалсификување компаниски документи и за организација на исплата од 130.000 долари на Сторми Дениелс, актерка во филмови за возрасни, за таа да молчи дека имала врска со него. Исплатата ја извршил неговиот тогашен адвокат Мајкл Коен, кој на судот сведочеше со часови за оваа епизода, која се случувала неколку недели пред претседателските избори во 2016 година. Трамп потоа фалсификувал документи за да му ги врати парите на Коен.
Bloomberg Mercury
Вториот по важност сведок беше самата Дениелс, која даде бомбастични искази пред судот, како на пример описот како таа поминала со Трамп една вечер во хотелска соба во голф-ресорт на езерото Тахо во северна Калифорнија во 2006 година. Тогаш таа имала 27 години, а Трамп имал 60. По изрекувањето на пресудата, Трамп даде изјава во која го спомена Сорос, либералниот милијардер и поддржувач на демократите, и ја обвини Белата куќа „во обид да отстрани политички противник“ со помош на судскиот систем.
„Тоа беше направено од Сорос, од администрацијата на Бајден, за да му нанесе штета или да го оштети опонентот, политичкиот противник. Сметам дека тоа едноставно е срамно. И ние ќе продолжиме да се бориме“, изјави Трамп, и додаде дека не направиле ништо лошо. „Јас сум навистина невин човек“, изјави тој откако излезе од судската сала.
Каква казна следува за Трамп одредува судијата. Изрекувањето е закажано за 11 јули. Висината на казната може да биде четири години затвор, но многумина за слични злосторство добивале и помалку. И да добие казна затвор, тоа нема да му пречи на Трамп во неговата изборна кампања или да стане претседател.
„Го почитуваме владеењето на правото и немаме што да додадеме“, изјави Јан Семс, советник во правната канцеларија на Белата куќа, за обвинителната одлука на поротата во Њујорк.
„Денеска во Њујорк видовме дека никој не е над законот. Доналд Трамп секогаш сметаше дека не е загрозен од никакви последици за прекршување на законот за лични цели. Сепак, денешниот приговор не го менува фактот дека американскиот народ се судира со реалноста. Останува само еден начин Доналд Трамп да не стапне во Овалната соба (кабинетот на претседателот на САД во Белата куќа) - гласачката кутија. Било да е осуден криминалец или не, Трамп ќе биде кандидат за претседател од Републиканската партија“, вели Мајкл Тајлер, директор за комуникации на предизборната кампања на Џо Бајден.
Дали Трамп може да се кандидира за реизбор?
Трамп сепак може да се кандидира за претседател. Уставот на САД поставува неколку барања за подобност за позицијата, без ограничувања за карактерот или криминалното досие. Не е јасно како може да влијае неговата одлука на исходот од изборите. Но, ако Трамп победи, САД за првпат ќе имаат осуден криминалец како шеф на држава - факт што не е невообичаен во остатокот од светот. Трамп се спореди себеси со покојниот јужноафрикански лидер Нелсон Мандела, кој беше затворен 27 години поради спротивставување на режимот на апартхејдот.
Може ли Трамп да биде помилуван доколку биде реизбран?
Не во овој случај, затоа што случајот на Менхетн го поведоа државните, а не федералните обвинители. (Тоа е исто така и во случајот со округот Фултон, Џорџија, кој, како и Њујорк, е државно правобранителство.) Но, во двата федерални случаи, Трамп теоретски може да му нареди на Министерството за правда да ги отфрли случаите доколку биде реизбран.
.webp){kind=icon}
Во моментов нема коментари за веста. Биди прв да коментира...