Кинеската централна банка ја задржа стабилната каматна стапка, додека во Америка деловните групации и големите банки го тужат Фед поради годишните стрес-тестови, кои влијаат на цената на финансиските услуги.
ЕКОНОМИЈА
Банките од Волстрит го тужат Фед
Големите банки и деловните групации ги тужат американските Федерални резерви поради спроведувањето на годишните стрес-тестови, кои, како што тврдат, претставуваат прекршување на законот. Во тужбата се наведува дека критериумите на Фед за тестовите се тајно креирани и дека како последица имаат „необјасниви барања и ограничувања во врска со банкарскиот капитал“. Тоа влијае на цената на финансиските услуги во САД, се наведува во федералната тужба поднесена во вторникот во градот Колумбус, Охајо.
ПБОЦ (People's Bank of China - PBOC) ја задржа стабилната каматна стапка
Кинеската централна банка се воздржа од намалување на каматната стапка и повлече 158 милијарди долари од финансискиот систем. Тоа е најголемото повлекување средства од финансискиот систем од 2014 година. Каматната стапка на едногодишните заеми истовремено ја задржа на два процентa, што го очекуваа девет од 10 економисти анкетирани од „Блумберг“.
Bloomberg
Повторно летаат авионите на „Американ ерлајнс“
Авионите на американската авиокомпанија „Американ ерлајнс“ (American Airlines) повторно летаат по привременото приземјување. Имено, од компанијата соопштија дека проблемот со мрежниот хардвер е решен и дека сите летови се продолжени. Потсетуваме, „Американ ерлајнс“ вчера, на Бадник, ги прекина сите летови во САД поради технички проблем.
Слаба побарувачка за возилата на „Тојота“
Глобалната продажба на јапонската „Тојота“ (Toyota) падна во ноември, поради слабата побарувачка и паузата во производството во две фабрики. Така, минатиот месец беа продадени 984.348 возила, што е пад од 0,2 проценти во однос на ноември минатата година. На годишно ниво, производството опадна за 9,4 проценти, на 966.921 единица. Иако „Тојота“ останува најголемиот светски производител на автомобили, нејзиното работење е под притисок поради силната конкуренција во САД и во Кина. Позицијата на компанијата на пазарите низ Југоисточна Азија исто така е нарушена поради кинеските конкуренти.
Bloomberg
БЕРЗИ
Европа
На повеќето глобални пазари на капитал, вклучувајќи ги Велика Британија, САД и Европа, денеска нема тргување поради католичкиот Божиќ. Потсетуваме, главниот европски индекс на акции Europe STOXX 600 порасна во вторникот, додека акциите на рударските и енергетските компании предничеа по добивките за време на придушеното тргување пред божиќната пауза.
САД
И пазарите во Америка денеска се затворени. За време на вчерашното скратено тргување, сите три главни индекси зајакнаа трет ден по ред. Пораснаа и акциите на технолошките компании, при што акциите на „Тесла“ (Tesla) напредуваа за 7,4 проценти.
НАФТА
Цената на нафтата порасна во исклучително разреденото тргување пред празниците, бидејќи идниот претседател на САД, Доналд Трамп, ja предизвикува меѓународната политика, а извештаите сугерираат дека Кина планира продажба на обврзници за да ја стимулира својата економија.
Bloomberg Mercury
ВТИ (West Texas Intermediate) порасна за повеќе од 1,2 проценти и на Бадник чинеше нешто над 70 долари по барел. Основните метали како никелот главно беа во пораст откако „Ројтерс“ (Reuters) извести дека Кина може да продаде рекордни три билиони јуани (411 милијарди долари) специјални обврзници следната година, за да ја поддржи својата забавена економија.
.webp){kind=icon}
Во моментов нема коментари за веста. Биди прв да коментира...