Во следниот период треба да почнат да сообраќаат возови од Скопје до Тетово, Гостивар, Штип и до Кочани, како и целосно да се врати линијата до Кичево, најави денеска вицепремиерот и министер за транспорт Александар Николоски.
По денешната посета на „Железници транспорт“, министерот посочи дека моментално во земјава се активни пет воза за патнички сообраќај, пет локомотиви за товарен сообраќај и четири локомотиви што се изнајмени.
„Од нула возови и локомотиви минатиот јули, сега имаме вкупно 14 на македонските пруги... Депото низ кое прошетавме денеска, во јули минатата година беше запуштено, во него не влегуваше никој, имаше темна слика, а денес вредни луѓе ги одржуваат и поправаат возовите. Споредено со четвртиот квартал во 2023 година, четвртиот квартал во 2024 година во делот на товарот има зголемување за 75 проценти. Тоа е срцето на ’Македонски железници - транспорт’, зашто најголем дел од приходите доаѓа токму преку карго-сообраќајот“, изјави министерот.
Николоски нагласи дека во делот на патничкиот сообраќај, ако се спореди третиот квартал од 2023 со третиот квартал од 2024 година, има зголемување за 36 отсто.
Министерот претходно најави дека денеска попладне, во 16.30 часот, ќе тргне првиот воз од Скопје за Куманово.
.webp){kind=icon}
Во моментов нема коментари за веста. Биди прв да коментира...