Градоначалникот на Кочани, Љупчо Папазов, во објава на Фејсбук ден по трагедијата што се случи во дискотека во градот, во која во пожар загинаа 59 млади луѓе, информира дека поднесува оставка на функцијата.
„Во овие најтешки мигови за нашата земја и за мене лично, сакам да соопштам дека поднесувам неотповиклива оставка од функцијата градоначалник на Кочани.
Нема зборови што можат да ја опишат мојата болка! Но во овие моменти мора да покажеме доблест, да манифестираме целосна одговорност и да покажеме разлика во начинот на постапување. Со нашето однесување мора да дадеме пример дека се спротивставуваме на системот што не функционира. Доколку постои каков било основ за одговорност кај мене, го повикувам обвинителството да го испита тоа и да постапи во согласност со законите“, се наведува во дел од објавата на Папазов.
На денешната прес-конференција, министерот за внатрешни работи Панче Тошковски посочи дека вчера бил извршен разговор со Папазов и ако се утврди дека сторил нешто незаконско, ќе сноси одговорност.
.webp){kind=icon}
