Кај сите настрадани во трагедијата во Кочани е констатирана насилна смрт од задушување што е предизвикано директно од пожарот. До крајот на месецот се очекува да бидат завршени сите извештаи за обдукциите, соопштија денеска деканот на Медицинскиот факултет во Скопје, Светозар Антовиќ и раководителот на Институтот за судска медицина, Александар Станков.
Облеката и се што е најдено кај починатите е на Институтот за судска медицина, но се во надлежност на Обвинителството и тоа ќе одлучи што ќе се случува со нив зашто може да бидат земени понатаму во некоја судска постапка.
По завршувањето на првата фаза од истрагата за пожарот кривични пријави се поднесени против 34 физички лица и три правни субјекти. Кривичните пријави се за предизвикување општа опасност, додека едно лице е осомничено за примање поткуп, изјави денеска министерот за внатрешни работи, Панче Тошковски.
Прочитај повеќе
Пазарна ги тресе угостителите - вчера имало над 80 контроли
Без лиценци ќе останат 13 угостителски објекти затоа што не исполнуваат минимум услови
21.03.2025
Триесетдневен притвор за Бектеши, приведени тројца градоначалници на Кочани
Со истражните активности во моментов се опфатени над 30 лица.
21.03.2025
Погребани жртвите од пожарот во Кочани
Со починатите, од кои голем дел млади лица, се простија членови на нивните семејства, роднини, нивни сограѓани.
20.03.2025
Објавена листа на сите жртви во пожарот, повредените се во стабилна состојба
Сите пациенти што се лекуваат тука и надвор од државата се во стабилна и добра состојба, посочи министерот за здравство Арбен Таравари.
20.03.2025
Собири низ цела држава во чест на жртвите во Кочани, истрагата проширена на повеќе лица
Во повеќе градови низ државата синоќа се одржаа собири во спомен на жртвите од трагичниот пожар во дискотеката „Пулс“ во Кочани.
19.03.2025
„Кога се случи сето ова со болка во душата ветивме дека нема да има компромиси со правдата и ќе има брза и праведна истрага. Свесен сум и за сомнежот кој постои кај вас, знам дека досегашните искуства беа болни и загрижувачки и го оправдувам вашиот сомнеж, но нагласувам дека таа загриженост е непотребна и докажуваме преку нашите постапки дека има разлика и дека сме одлучни таа разлика да ја покажеме одговорно и посветено и свесни сме дека не смееме да ве разочараме“, рече Тошковски.
Нагласи во овие моменти најважно од сè е да се покаже одговорност преку дејствување.
„Јас ја чувствувам мојата морална одговорност длабоко и искрено, но верувам дека во овие моменти е најважно да се покаже одговорност со дејствување. Затоа, останувам тука со истата решителност и посветеност, да ја водам оваа битка, ама до крај.“, нагласи Тошковски.
Претходно денеска државниот јавен обвинител Љупчо Коцевски изјави дека со завршување на истрагата ќе се разјаснат сите околности и факти за причината за пожарот, кој го предизвикал, начинот на предизвикување и со кое пиротехничко средство.
Тој ова го посочи, одговарајќи на новинарски прашања денеска на прес-конференција на која објави дека за пожарот во дискотеката „Пулс“ во Кочани е отворена истражна постапка против 27 физички и три правни лица. Со ова, за пожарот во кој животот го загубија 59 лица, меѓу кои шест деца, вкупниот број на осомничени е 34 физички лица, откако вчера ОЈО отвори истражна постапка против седум полициски службеници од СВР Штип и ПСОН Кочани.
.webp){kind=icon}
