Швајцарската полиција соопшти дека околу 40 лица загинале, а 115 се повредени откако избувнал пожар во бар во скијачкиот ресорт Кран-Монтана за време на новогодишните прослави.
Градот, кој се наоѓа во кантонот Вале, е популарна туристичка дестинација, а Франција и Италија потврдија дека меѓу повредените има и нивни државјани. Локалните власти велат дека пожарот бил резултат на несреќен случај.
Пожарот избувнал во барот „Ле Констелејшн“ во раните утрински часови во четвртокот. Очевидци за француската телевизија БФМТВ изјавиле дека свеќа поставена на шише, која била подигната премногу високо, го запалила таванот. Пламените, заедно со црниот чад, брзо се прошириле, рекле тие.
Прочитај повеќе
Десетици загинати во пожар во бар во Швајцарија
Швајцарската полиција соопшти дека десетици луѓе загинале, а повеќе од сто се повредени откако избувнал пожар во бар во популарното скијачко одморалиште Кран-Монтана.
пред 21 час
Полицијата и итните служби биле алармирани околу 1:30 часот по полноќ и веднаш се упатиле на местото за да помогнат. Шефот на кантоналната полиција, Фредерик Гислер, изјави дека првите полицајци пристигнале за две минути.
Полицијата ја обезбеди областа и спроведува истрага за причините. Имаше медиумски извештаи за експлозија на местото, но локалните власти рекоа дека тоа било предизвикано од пожарот, а не обратно.
Беатрис Пилуд, јавен обвинител на Вале, изјави дека истражителите пронашле неколку телефони и вршат разговори со сведоци. Дел од работата ќе биде да се утврди дали објектот имал соодветни безбедносни процедури и излези за итни случаи.
Швајцарскиот претседател Ги Пармелен изјави дека е „уверен“ дека истрагата ќе биде спроведена на „професионален начин“.
Повредените биле пренесени во локални болници, како и во установи во Лозана, Женева и Цирих. Некои можат да бидат префрлени во соседни земји поради оптовареноста на здравствените служби во Швајцарија од размерите на трагедијата.
Италијанскиот министер за надворешни работи, Антонио Тајани, за телевизијата „Раинуз 24“ изјави дека 12-15 италијански државјани се хоспитализирани по пожарот. Дополнителни 16 се водат како исчезнати. Пармелен рече дека е во контакт со повеќе странски лидери, вклучително и од Франција и Италија.
Швајцарскиот претседател исто така изјави дека она што се случило е „една од најголемите трагедии што нашата земја некогаш ја доживеала“.
Кран-Монтана е позната област за скијање и планинарење и е домаќин на трки од Светскиот куп во скијање. Во соопштение, туристичките власти на регионот рекоа дека ова е ден на „длабока тага“ и им се заблагодарија на итните служби и на сите кои им помогнале на жртвите.
.webp){kind=icon}
