text size
На крајот од 2021 година, состојбата на средствата врз основа на портфолио-инвестиции (вложувања на резиденти во странски хартии од вредност) изнесува 650 милиони евра, од кои 593,8 милиони евра се вложувања во сопственички, додека 56,1 милион евра во должнички хартии од вредност, покажуваат најновите податоци на Народната банка.
Од аспект на оригиналната валута на вложување, најголем дел од портфолио-инвестициите се направени во САД долари (479,6 милиони евра) и во евра (150,7 милиони евра).
На крајот од 2021 година, анализирано од аспект на секторот на домашниот инвеститор, осигурителните друштва и пензиските фондови имаат доминантно учество во состојбата на портфолио-инвестициите, односно со состојба од 527 милиони евра нивното учество изнесува 81,1 отсто во вкупните портфолио-инвестиции.
Анализирано по земји, најголеми портфолио-инвестиции има во Соединетите Американски Држави во износ од 432,6 милиони евра и Германија во износ од 96,5 милиони евра.
Според секторот на нерезидентниот издавач, доминантно учество имаат вложувањата во хартии од вредност издадени од останатите финансиски институции (освен пензиски фондови и осигурителни друштва и фондови на пазар на пари) и нефинансиските друштва (од 457,8 и 114,9 милиони евра, соодветно).
