Рубриката „Добар избор“ е месечна листа на најнова опрема, иновации и искуства со кои, според наше мислење, треба да се запознаете. Претходните изданија беа насочени кон тоа како да се подготвите за пролетта, како да го потрошите бонусот, но се осврнавме и на опрема што ќе ви помогне да бидете во форма без оглед на временските услови. Овој пат одбравме девет производи што ќе ви помогнат да го освежите својот изглед.
Мала портокалова кутија со кармин
Новата линија кармини на „Хермес“ (Hermès) нуди 14 кармини во суптилни природни нијанси, кои можат да се нанесат и интензивираат во слоеви за да се подобри изгледот и се идеални за потоплото време што претстои. (Линијата „Руж брилијант силки“ - Rouge Brilliant Silky е инспирирана од безвременските свилени шалови на „Хермес“; цените на карминот почнуваат од 77 долари.) Пакувањето што може повторно да се полни, создадено од дизајнерот на брендот Пјер Харди, ќе биде гордост на секоја тоалетна масичка.
Ослободете се од темните кругови под очите
Денис Грос, дерматологот чии дневни влошки за нега на подочници „алфа бета“ (Alpha Beta) достигнаа култен статус, го лансира новиот крем за нега на регијата околу очите „дерминфјужнс фил + рипеар“ - DermInfusions Fill + Repair (15 милилитри за 64 долари). Овој производ ќе внесе пролетен дух во вашиот изглед. Комбинацијата од слива какаду (австралиско овошје многу богато со витамин ц) и кофеин, плус два вида хијалуронска киселина, ги пополнува длабоките брчки под очите и ја прави кожата да изгледа поцврста и позатегната. Истовремено делува против темните кругови и фините брчки околу очите.
Атрактивни очила за сонце во црвена боја
Што друго би очекувале од брендот за очила „Кру“ (Krewe) од Њу Орлеанс освен да пронајде инспирација во својот роден град: неговата линија СТЛ (STL) е инспирирана од балконите од ковано железо во Францускиот кварт. Очилата за сонце „СТЛ нилон чери“ (STL Nylon Cherry) со 18-каратно злато (365 долари) се одликуваат со рамки во живописна црвена боја со златни елементи. Стаклата се прекриени со таканаречената „најлонска“ рамка (овие очила имаат рамка само во горниот дел, додека на стаклото е направен канал во кој се вметнува најлон, така што и долниот дел од очилата е цврст).
Моќен борец против брчки
Секој што сериозно ја сфаќа негата на кожата знае дека ретинолот е клучна состојка во борбата против знаците на стареење. „Ејт деј“ (Eighth Day), брендот основан од дерматолог и хирург, неодамна го претстави својот ноќен крем за третман со ретиналдехид (50 милилитри чинат 450 долари). Оваа состојка, по која е препознатлив брендот, е 250 проценти посилна од состојките што се наоѓаат во стандардните производи. Кремот длабински ја хидрира кожата и не предизвикува иритација како некои силни серуми со ретинол.
Исплаши го семејството (и себеси)
Уредите со црвена лед-светлина за домашна употреба, како што е маската за лице на брендот „Курент боди скин“ (CurrentBody Skin) - LED Light Therapy, серија 2, се покажаа како ефикасни во подобрувањето на текстурата и тенот на кожата. Мора да бидете упорни и редовно да ја користите маската – од три до пет пати неделно најмалку по 10 минути. За среќа, овој нов модел, кој се продава за 469 долари, има дополнителни ленти, што ја прави маската поудобна за носење. Маската ја покрива вашата брада и има 236 лед-диоди, кои емитуваат црвена светлина во три бранови должини за да го стимулираат производството на колаген (и да ги исплашат вашите цимери доволно за да ве остават да уживате малку во мир и тишина).
Најдобриот пријател на ботоксот
Инјекциите со невротоксин се најпопуларниот вид естетска процедура, а овој крем е дизајниран дополнително да го подобри нивниот ефект. Серумот P-TIOX на брендот „Скин сјутиклс“ (SkinCeuticals) - 30 мл чини 148 долари - не само што ги продолжува ефектите од инјекциите и помага во заздравувањето на кожата туку и ги намалува брчките со помош на пептиди, полихидрокси киселини, нијацинамид (витамин Б3) и екстракт добиен од кафеави алги од родот ламинарија (Laminaria).
Пудра за брзо прекривање на израстоците
Дали сакате вашата коса да изгледа добро и следниот ден? Решението е пудра во прав. Пудрата во прав „стајл плус трит“ (Style + Treat) од „Бриогео“ (Briogeo), која чини 28 долари, има три предности: самата е во форма на фин прав, кој го апсорбира вишокот маснотии создадени по тренинг и неколкудневна акумулација; наменет е за повеќе бои (од средно руса до темнокафеава) за покривање на седата коса; и има практичен сунѓер за аплицирање, кој помага да се подобри текстурата и да се прикријат областите каде што косата се проретчува. Свежиот мирис на лимон е бонус.
Модерен моден додаток на вашето уво
Модната индустрија постојано си игра со логоа – понекогаш тие се впечатливи, понекогаш се суптилни. Со обетката во облик на триаголник од „Прада“ (Prada), чија цена е 825 долари, ќе ги имате и едното и другото. Оваа обетка од розово злато е исто толку суптилна колку што е елегантна - унисекс, дискретен и луксузен накит, кој како да шепоти: „Ах, тоа? Тоа е ‘Прада’“.
Превенцијата е најдобрата одбрана
Дерматолозите препорачуваат минерални кремови за заштита од сонце бидејќи тие создаваат физичка, а не хемиска бариера. Најновата крема за заштита на лицето од сончање на брендот „Елта МД“ (EltaMD), „УВ скин рикавери бреад спектрум СПФ 50“ (UV Skin Recovery Broad Spectrum SPF 50) - 50 мл чини 50 долари - е наменета за најчувствителната кожа. Комбинацијата од цинк оксид, аминокиселини и церамиди ја хидрира кожата и не остава бели траги. Оваа формула ги ублажува црвенилото и иритацијата, како и затегнатоста што обично се јавува по ласерскиот третман. Зелената верзија на кремот дејствува веднаш на црвенилото.
.webp){kind=icon}
