.webp){kind=icon}
Силвио Кутиќ е коосновач и извршен директор на „Инфобип“ (Infobip), хрватски ИТ-еднорог што во 2022 година направи уште неколку големи чекори на деловната сцена. Во април тие го отворија кампусот „Алфа сентори“ (Alpha Centauri) во Загреб, вреден 150 милиони куни, а во јули спроведоа аквизиција на дигиталниот магазин за бизнис и технологија „Нетокрација“ и американската компанија „Пирлес нетворк“ (Peerless Network), која обезбедува услуги на гласовна комуникација преку интернет (voice over IP).
„Пирлес нетворк“ плати 200 милиони долари, со што доби силно упориште на пазарот во САД, бидејќи сега покрива 93 отсто од американското население во 49 сојузни држави.
Тоа купување всушност е само дел од стратегијата за ширење на тамошниот пазар, кое Кутиќ го најави во првата половина од минатата година. „’Инфобип’ е присутен на американскиот пазар долго време, а нашиот план е да растеме понатаму и да ја преземеме лидерската улога, поради што ни е важно дополнително да ги запознаваме нашите клиенти и да ја шириме мрежата на контакти“, истакна тој.
Во ноември 2022 година, престижниот ROCCO 100 по вторпат го вброи Кутиќ во својата листа на 25 најмоќни луѓе во ИТ-секторот. Заедно со него, на таа листа се најде и оперативниот раководител на „Инфобип“ за американскиот регион, Алекс Переира, што ја вброи компанијата од Водњан меѓу само три компании што имаат повеќе претставници на листата.
„’Инфобип’ прерасна во глобален лидер во сегментот CPaaS (Communications Platform-as-a-Service), услуги за мобилни пораки за деловни корисници и телекомуникацискиот сектор, што не би било можно без Силвио на чело“, се истакнува во извештајот на ROCCO.
