.webp){kind=icon}
Најдобрата одбојкарка во светот со најбрз сервис.
Тијана Бошковиќ, 25-годишна српска одбојкарка, како капитенка ја предводеше српската репрезентација на патот кон освојување на титулата светски првак во 2022 година. Во финалето беше поразен тимот на Бразил, а таа беше прогласена за МВП на турнирот.
Тоа е осми медал во сениорската репрезентативна кариера на требињанката, која дресот на Србија првпат го облече на само 17 години. Оттогаш практично нема европско или светско натпреварување од кое таа не донела медал дома. На европските првенства освои бронза во 2015 година, сребро во 2021 година и две злата во 2017 и 2019 година.
Сребрен олимписки медал освои на 19 години во Рио, додека четири години подоцна повторно се најде на победничкиот подиум во Токио, каде што Србија го освои третото место. На светските првенства во 2018 и 2022 година со репрезентацијата освои златни медали.
Во полуфиналето на Европското првенство против Турција, во септември 2021 година, таа испрати удар со брзина од 110,3 километри на час, кој беше најбрз удар во историјата на женската одбојка откако постојат официјалните мерења.
