Во 12-та година откако ја основа „Кодвел“ (CodeWell) и по стотина продукти во полето на конверзациската вештачка интелегенција, а секој поиновативен од другиот, Нино Карас во 2023 година ѝ ја предаде на Владата на Македонија, Ада, дигитална асистентка што има натпросечно знаење и во државната администрација ќе работи 24/7. Ада стана најдобриот вработен, со меморија што ја нема ниту еден државен службеник, а таа може и да се клонира за да услужи неограничен број корисници истовремено.
Пред Ада, „Кодвел“ ги лансира Славчо на телекомуникациската компанија А1 и Ана, која е дигитална вработена во скопското комунално претпријатие. Главен продукт на компанијата е „Кодвел АИ“, платформа што овозможува креирање дигитални асистенти што можат да го разбираат кој било јазик со многу висока прецизност и да овозможат комуникација слична на онаа со реален човек.
„Кодвел“ има канцеларии во повеќе европски метрополи, но и во САД, а во 2023 година беше избран како најбрзорастечки стартап во Македонија.
Во годината што измина, Карас преку друг свој стартап - „Брумел“ (Brummell) ја промовираше и новата верзија на првото сако во светот наменето за моторџии. „Брумел блејз В2“ (Brummell blaze V2) е официјално сертифицирано според најновата регулатива за мотоопрема како мотојакна од класата А.
.webp){kind=icon}
