.webp){kind=icon}
За релативно краток временски период Павао Вујновац прерасна во најмоќниот човек во хрватскиот бизнис, а денес речиси нема сектор од економијата во кој неговите компании не играат значајна улога.
Круна на неговата богата деловна база е гасната компанија ППД, преку која го изгради своето богатство тргувајќи со руски гас. Покрај неа, тој е сопственик и на „Ена груп“ (Enna Group), која се занимава со различни деловни операции - од енергија, логистика, транспорт и набавка на храна до трговија на големо и недвижен имот.
Вујновац е сопственик на трговскиот синџир „Певекс“ и на пристаништето Плоче, ги има закупено сите капацитети на ЛНГ-терминалот на Крк до 2037 година, работи со данската „Маерск“ (Maersk), една од најголемите бродски компании во светот, на проектот „Риека гејтвеј“ (Rijeka Gateway), вреден половина милијарди евра, а со партнери инвестира и во туризмот.
Во текот на 2023 година тој сериозно почна да ја презема сопственоста на „Фортенова“ и досега многу добро му оди во тоа. Ако успее, на крајот ќе стане највлијателниот бизнисмен во државата, дури и посилен од поранешниот газда на таа компанија Ивица Тодориќ. Прашање е само дали на крајот ќе заврши како него.
