.webp){kind=icon}
Словенечкиот стартап „Брд бади“ (Bird Buddy) собра 4,19 милиони евра во својата најнова кампања само на глобалната онлајн платформа „Кикстартер“ (Kickstarter). Со паметна куќичка за птици и бања со вградена камера убедија речиси 23 илјади луѓе. Во изминатите две години продадоа повеќе од сто илјади паметни куќички за птици со камери и остварија приход од 40 милиони евра. Тоа им беше втора кампања, во првата собраа повеќе од пет милиони евра, вкупно 11 милиони преку „Кикстартер“.
„Би сметал дека сè уште сме стартап. Можеме да одлучиме дека тоа е тоа, да седнеме и да почнеме да планираме поконзервативно. Но во реалноста има многу можности“, вели Зидар. По кампањата на „Кикстартер“, „Брд бади“ беше рангирана на листата на „Волстрит журнал“ за најдобар технолошки подарок и на листата на 200 најдобри иновации во 2023 година.
